Sobiq murabbiy Dembelening "Oltin to‘p"dagi imkoniyatlari haqida gapirdi

Frantsiya terma jamoasi sobiq bosh murabbiyi Loran Blan Usmon Dembelening "Oltin to‘p"ni qo‘lga kiritish imkoniyatlarini baholadi.

"U ajoyib mavsum o‘tkazdi, hamma musoboqalarda g‘olib bo‘ldi. Usmon bu kurashda ishtirok etish uchun barcha mezonlarga to‘liq javob beradi. Biroq, ko‘pincha kutilmagan hodisalar ro‘y berib, g‘olib sifatida umid qilingan futbolchi emas, balki boshqa bir odam g‘alaba qozonadi", - dedi xozirda “Al-Ittihod”ni boshqarayotgan mutaxassis “Le Parisien” nashriga bergan intervyusida.

Ma’lumot uchun, PSJ hujumchisi bu mavsum jami 49 ta o‘yinda maydonga tushib, 33 ta gol kiritdi va 15 ta golli uzatmani amalga oshirdi. Shuningdek, 28 yoshli futbolchi jamoasi bilan Chempionlar ligasi, Frantsiya kubogi, Liga 1 va Frantsiya Superkubogni qo‘lga kiritdi.