Ads

Мазкур жамоалар тўқнашувлари тарихига эътибор қаратсак, бўлажак ўйин "Сўғдиёна" - АГМК ўртасидаги 22-учрашувга айланади. Қизиғи, қайд этилган натижалар кўрсаткичи тенг. Ўтказилган беллашувларнинг 8 тасида АГМК ғалаба қозонган ва худди шунча ютуқ "Сўғдиёна" ҳисобида ҳам бор. Қолган 5 ўйинда эса дуранг қайд этилган. Ҳозирча мазкур жамоалар қарама-қаршилигида тарози палласи тенг турибди. Тўплар нисбати кўрсаткичи эса олмалиқликлар фойдасида: 35-30.

"Пахтакор"га қарши ўйинни жароҳати туфайли ўтказиб юборган Зафар Полвонов тезроқ жароҳатдан фориғ бўлиб, сафга қайтиш учун алоҳида дастур асосида шуғулланмоқда. Шунингдек, кичик жароҳати боис умумий гуруҳдан четда қолган Бобур Юлдошев асосан енгил машғулотлар билан чекланди. Қайд этиш керакки, Бобур Юлдошев Жиззахдаги ўйинни сариқ карточкалари сони тўрттага етгани боис дисквалификация туфайли ўтказиб юборади. Зафар Полвонов эса жароҳати туфайли мазкур беллашувда АГМКга кўмаклаша олмайди.

Эслатиб ўтамиз, Суперлиганинг 18-тури доирасидаги "Сўғдиёна"га қарши баҳс Жиззахдаги "Марказий" стадионда 27 август куни соат 19:15да бошланади.

Фикрлар

Фикр қолдириш учун авторизациядан ўтинг!
&
RisqiyevOtabek
27/08/2019 13:04
Sugdiona ustunroģ kurinibdi oxirgi uyinlariga qarab aytsek
Uz uyida muxleslari oldida uynedi