"Сўғдиёна" - "Насаф": Ҳисоб 2:2! (матнли трансляция)

Ассалому алайкум, қадрли футбол ихлосмандлари! Ўзбекистон Кубоги гуруҳ босқичи 1-туридан ўрин олган "Сўғдиёна" - "Насаф" учрашуви матнли трансляция кўринишида эътиборингизга ҳавола этилади.

• 90+4'
  

  Учрашув якунланди. Томонлар супер ўйин тақдим этиб берди!

• 90+3'

  Ҳусниддин Алиқуловнинг зарбасига аниқлик етишмади.

• 90+2'

  Майдон эгалари стандарт вазиятни қўлга киритди.

• 90'
  

  Ўйиннинг асосий вақтига 4 дақиқа қўшилди.

• 87'

  Ўйин сўнгини ҳар икки томон вакиллари ҳужумда ўтказмоқда.

• 85'
  

  ГОООООООООООООООЛ! Ҳисоб тенглашди!

  Жарима майдонига етказиб берилган тўпни захирадан майдонга тушган Норхонов дарвозага киритди.

• 83'
  

  Бурчак тўпидан кейин хавф туғдира олган "Сўғдиёна" вакиллари тўпни дарвоза томон йўллай олмади.

• 82'
  

  Жавоҳир Қаҳрамонов захирага олинди. Унинг ўрнига Ислом Бойсариев майдонга тушди.

• 80'
  

  Хусайн Норчаев ўз ўрнини Муҳриддин Зоировга бўшатиб берди.

• 78'

  "Насаф"да яна бир стандарт вазият зое кетди.

• 76'
  

  Рақибини йиқитган Ғолиб Ғайбуллаев огоҳлантирилди.

• 75'

  Футболчилар ўзаро жиддий тортишиб кетди. Вазиятга ҳакам аралашишга мажбур бўлди.

• 74'

  Энди "Сўғдиёна" футболчилари Насруллаевга нисбатан қўполлик ишлатмоқда.

• 72'
  

  Ойбек Нурматов ўз ўрнини Шохруз Норхоновга бўшатиб берди.

• 71'
  

  Футболчилар асабларини жиловлаб олиши лозим. Шерзод Насруллаевга сариқ карточка кўрсатилди.

• 70'

  Ҳисобда ортда қолишни бошлаган жиззахликлар яна фаоллашди.

• 68'
  

  ГООООООООООО! "Насаф" ҳисобда олдинга ўтиб олди!

  Марко Станоевич аниқ зарбаси билан дарвозанинг тўққизлик бурчагини ишғол этди.

• 68'

  Марко Станоевичнинг жаримадан йўллаган зарбаси жонли деворга тегди.

• 67'

  Жарима майдонига яқин ҳудудда "Насаф" жарима тўпини қўлга киритди.

• 65'

  Станоевичнинг зарбасига аниқлик етишмади.

• 65'
  

  Лука Чермелга сариқ карточка кўрсатилди.

• 64'

  Норчаев жарима майдонига яқин ҳудудда қоида бузиш эвазига тўхтатилди. "Насаф"да стандарт вазият юзага келди.

• 61'

  Ўйин темпи бироз пасайди. Футболчилар рақиб жарима майдонига киришга қийналмоқда.

• 59'

  "Сўғдиёна" футболчиси жарима майдони ичида йиқилиб тушди. Ҳакам унга ўрнидан туриши кераклигини айтди.

• 56'

  Гол ўтказиб юборган мезбонлар фаолликни оширишга ҳаракат қиляпти.

• 54'
  

  ГОООООООООООООООЛ! Ҳисоб тенглашди!

  Нуқтага яқинлашган Ҳусайн Норчаев ўзидан чап томонга зарба берди ва ҳисобдаги тафовутни йўққа чиқарди.

• 53'
  

  Жарима майдони ичида ҳимоячилар Комиловга нисбатан қоида бузди. Бу - пенальти!

• 52'
  

  Рақиби билан тўқнашиб кетган Митровичга тиббий ёрдам кўрсатилмоқда.

• 50'
  

  Бердиев шогирдлари бурчак тўпидан кейин хавфли вазият юзага келтирди. Аммо тўпни дарвозага киритадиган футболчи топилмади.

• 48'

  Иккинчи 45 дақиқаликни "аждарлар" фаоллик билан бошлади.

• 46'
  

  "Насаф" сафида ўзгариш: Турдиалиев ўрнига Хўжамбердиевга бўшатиб берди.

• 46'
  

  Иккинчи тайм бошланди!

• 45+3'
  

  Танаффус!

• 45+2'
  

  Майдон эгалари бурчак зарбасидан наф чиқара олмади.

• 45'
  

  Биринчи таймга 3 дақиқа қўшиб берилди.

• 42'

  Мезбонлар футболчисининг стандарт вазиятдан йўллаган зарбаси ноаниқ кетди.

• 40'
  

  Рақибига нисбатан қоида бузган Станоевичга сариқ карточка кўрсатилди.

• 39'

  Ойбек Нурматов тўпни дарвозабоннинг устидан ошириб дарвозага йўллади. Зарба бироз ноаниқ кетди.

• 38'

  Қаршиликлар ҳужумда хавф юзага келтира олмаяпти. Рақиб мудофааси яхши ҳаракат қилмоқда.

• 36'

  Майдон эгаларининг босими давом этмоқда. "Насаф" катта қийинчилик билан ҳимояланяпти.

• 34'

  Амановнинг стандартдан берган хавфли зарбаси йўналишини Ғайбуллаев ўзгартирди.

• 33'
  

  Саҳоб Рашидовга бир неча дақиқадан буён тиббий ёрдам кўрсатилмоқда.

• 31'
  

  Азамат Соибовга сариқ карточка кўрсатилди.

• 30'

  Жарима майдони остонасида Азамат Соибов рақибига нисбатан қоида бузди. Мезбонларда стандарт вазият юзага келди.

• 28'
  

  ГООООООООООООЛ! Учрашувда ҳисоб очилди!

  Тўп қаршисига келган Жавоҳир Қаҳрамонов ўзидан ўнг томонга мукаммал зарба йўллаб, дарвозабонни ожиз қолдирди.

• 27'
  

  Ўзаро тўқнашиб кетган Чермель ва Саитовга шифокорлар ёрдам кўрсатмоқда.

• 26'
  

  Жарима майдони ичида Чермелга нисбатан қоида бузилди. Ҳакам пенальти белгилади.

• 24'

  "Сўғдиёна" футболчисининг олис масофадан берган зарбасига аниқлик етишмади.

• 22'

  "Аждарлар"нинг чап қаноти нисбатан фаолроқ ўйин кўрсатмоқда.

• 20'

  Дилшод Саитовнинг узатмасидан кейин тўпга жамоадоши ета олмади.

• 18'
  

  "Сўғдиёна" футболчилари бурчак тўпидан наф чиқара олмади.

• 16'

  Мезбонлар футболчисининг бош билан йўллаган зарбаси бироз ноаниқ кетди.

• 13'

  Футболчилар бироз асабий руҳда ўйин намойиш этмоқда.

• 11'
  

  Насруллаевга нисбатан қўполлик ишлатган Элёр Орипов огоҳлантирилди.

• 10'

  Назорат "Насаф"да. Мезбонлар ҳимояда тартибли ҳаракат қиляпти.

• 8'

  Ҳозирча, эҳтиёткорлик асосий планга чиқмоқда.

• 6'

  Меҳмонлар тўпни назорат қилмоқда.

• 4'

  Жарима майдонига узатилган кроосни Азамат Соибов ушлаб олди.

• 3'

  Илк дақиқалардан қаршиликлар ҳужумга ўтди.

• 1'
  

  Учрашувга старт берилди!

• 0'

  Футболчилар майдонга чиқиб келди. Ўйин бир неча дақиқалар ичида бошланади!