"Сўғдиёна" бугундан машғулотларини бошлайди

“Сўғдиёна” матбуот хизматининг хабар беришича, жамоа қисқа муддатли таътилдан қайтди ва бугундан машғулотларга киришади.

Шунингдек, айтилишича, селекция ишларини қизғин тарзда олиб боришмоқда. “Сўғдиёна”га Хусниддин Ғофуров қўшилгани ва Марат Бикмаев клубни тарк этгани ҳақида илгари хабар берганмиз. Яқин орада яна айрим ўзгаришлар бўлиши мумкин.

Машғулотлар давомида бир қанча назорат учрашувлари ўтказилиши ҳам режалаштирилган.