"So‘g‘diyona" "Bunyodkor"dagi g‘alabasiz seriyaga chek qo‘ya oladimi?

Bugun Superliganing 2022 yilgi mavsumiga rasman start beriladi. Jizzaxning "So‘g‘diyona" klubi esa ertaga 3 mart kuni Toshkentda "Bunyodkor" mehmoni bo‘ladi.

Klub matbuot xizmati ushbu uchrauv oldidan jamoalarning o‘zaro o‘yinlari tarixi haqida ma’lumot berdi.

"So‘g‘diyona" va "Bunyodkor" jamoalari bugungacha Superliga doirasida 24 bor to‘qnash kelishgan. Ushbu o‘yinlarning 16 tasida "Bunyodkor", 2 ta o‘yind "So‘g‘diyona" zafar quchgan. Qolgan 6 ta o‘yinda kuchlar teng kelgan. Gollar nisbati 51-15. "Bunyodkor" foydasiga.

"Bunyodkor" maydonida o‘tgan so‘nggi 4 ta uchrashuvda qayd etilgan hisoblar:

"Bunyodkor" – "So‘g‘diyona" 2-2    08.04.2021

"Bunyodkor" – "So‘g‘diyona" 1-0    25.11.2020

"Bunyodkor" – "So‘g‘diyona" 2-2    30.11.2019

"Bunyodkor" – "So‘g‘diyona" 2-2    17.08.2018

"Bunyodkor" – "So‘g‘diyona" uchrashuvi 3 mart kuni "Bunyodkor" stadionida soat 18:30da start oladi.