"So‘g‘diyona" safarda "Buxoro"ni taslim etdi

Superliganing 11-turidan o‘rin olgan "Buxoro" - "So‘g‘diyona" uchrashuvi yakunlandi. Bellashuv mehmonlarning 0:2 hisobidagi g‘alabasi bilan yakunlandi.

O‘yinning ilk daqiqalaridayoq jamoalar ehtiyotkorlikka urg‘u berdi. Uchrashuvning 58 daqiqasida Javohir Qahramonov chap qanotdan uzatilgan krosdan so‘ng aniq zarba yo‘llab, hisobni ochdi. 86 daqiqada esa Iminovning qo‘pol xatosidan so‘ng Zenan Zaymovich gol urib, oradagi farqni ikkitaga oshirib qo‘ydi.

Shu tariqa Jizzax klubi safarda ishonchli g‘alabaga erishdi.