Сон, Афиф ва бошқалар! Ўзбекистондан икки нафар футболчи 2-тур рамзий жамоасидан ўрин олди

"ЖЧ-2026" саралаши доирасидаги Қирғиз Республикаси ҳамда Ўзбекистон ўртасидаги баҳс бўлиб ўтди ва унда вакилларимиз 3:2 ҳисобида ғалаба қозонди. 

Жоэль Кожо ҳисобни очган бўлса, Шомуродов навбатдаги ҳужумнинг ўзидаёқ мувозанатни тиклади. 35-дақиқада Одилжон Абдураҳмонов қўшниларимизни ҳисобда олдинга олиб чиққан бўлса, Алиқулов тенглаштирувчи, Ўрунов эса ғалаба голини киритди. 

Осиё минтақасида "ЖЧ-2026" саралашидан ўрин олган барча учрашувлар бўлиб ўтди. Таниқли "SofaScore" портали ўз талқинига кўра, 2-тур рамзий жамоасини тузди ва ундан икки нафар ўзбекистонлик футболчи (Шомуродов ва Алиқулов) жой олди. 

Ушбу рамзий жамоадан Сён Хён Мин, Уеда, Акром Афиф ва Суттар каби номлар ҳам ўрин эгаллади.