Сўнгги бора буни Месси уддалаганди! Левандовскидан сермаҳсул мавсум

Роберт Левандовски Лионель Мессидан сўнг "Барса" учун бир мавсумда 35 та гол урган илк футболчига айланди. 

Форвард Ла Лиганинг 28-турида "Атлетико"га қарши беллашувда (4:2) гол киритди. 

Левандовски жорий мавсум барча турнирларда 40 та ўйинда ҳаракат қилиб, 35 маротаба рақиблари дарвозасини ишғол қилди. Польяк Каталония клубидаги энг сермаҳсул мавсумини ўтказмоқда. 

У сўнгги 4 мавсумда "кўк-анорранглилар" сафида 35 ва ундан кўп гол урган илк футболчига айланди. Буни охирги маротаба Лионель Месси амалга оширган. Ўшанда аргентиналик футболчи клуб учун 47 та баҳсда 38 та гол урганди.