Соса: "Месси ва Марадона ҳақидаги савол отам ва онам ўртасида танлов қилишдек гап"

Аргентиналик собиқ футболчи Роберто Соса миллий терма жамоанинг Қатардаги жаҳон чемпионатида қозонган ғалабаси ҳақида фикр билдирди.

"Кўпчилик мендан Марадона ва Месси ўртасида танлов қилишимни сўрашди. Бу отам ва онам ўртасида танлов қилишдек гап", - дея Сосанинг сўзларидан иқтибос келтиради pianetamilan.it нашри.

Эслатиб ўтамиз, Аргентина ЖЧ-2022 финалида Францияни пенальтилар сериясида 4:2 ҳисобида мағлуб этди. Ушбу учрашувда Месси иккита гол урди. Аргентиналик футболчи турнирнинг энг яхши ўйинчиси деб топилди.