Спенс "янчилди", Теренс Кроуфорд икки ванзнда мутлақ жаҳон чемпиони

Профессионал бокснинг ярим ўрта вазн тоифасида WBА, IBF, WBC чемпиони Эрроль Спенс ва WBO чемпиони Теренс Кроуфорд ўртасидаги мутлақ жаҳон чемпионлик жанги ўз якунига етди.

Лас-Вегас шаҳридаги "T-Mobile" аренаси мезбонлик қилган баҳс 9-раундда муддатидан олдин якунига етди ва унда Кроуфорд техник нокаут эвазига ғалаба қозонган ҳолда барча камарларни ўзиники қилди. Қайд этиш лозимки, у супер енгил вазн тоифасида ҳам барча камарларни бирлаштирган ва ҳозирда у 2 вазнда мутлақ чемпионликни қўлга киритган ягона боксчига айланди.

Жангдан сўнг, Спенснинг статистикаси 28-1, 22 нокаут кўринишга келган бўлса, бу кўрсаткич Кроуфордда 40-0, 31 нокаутга яхшиланди.