SPORTS.uz Belgrad-2021. Abdumalik Xalakov jahon chempionatidagi kumush medal uchun qancha mablag‘ ishlab oldi?

Serbiyaning Belgrad shahrida boks bo‘yicha erkaklar o‘rtasidagi jahon chempionati sekin-asta yakunlanmoqda. Musobaqada bugundan finallar boshlandi.

Ushbu bosqichga o‘zbekistonlik bokschilardan faqatgina bir nafari etib keldi xolos. Bu Abdumalik Xalakov.

Finalda hamyurtimiz frantsiyalik Sofiane Oumia bilan ringga ko‘tarildi. Jangda vakilimiz mag‘lubiyatga uchrab, kumush medalni qo‘lga kiritdi.

AIBA rasmiy saytida musobaqadan avval sovrin jamg‘armasi e’lon qilingandi. Unga ko‘ra kumush medal olgan bokschi 50 ming AQSh dollariga ega bo‘lishi belgilangandi. Demak, Xalakov shuncha mablabga ega bo‘ldi.

Avvalroq, bronza medal egasi Madiyar Saidrahimov 25 ming AQSh dollarini qo‘lga kiritgani haqida ma’lum qilgandik.

Shu tariqa, O‘zbekiston boks terma jamoasi Serbiyaning Belgrad shahridagi jahon chempionatini bitta bronza va bitta kumush medali bilan yakunladi.