SPORTS.uz Белград-2021. Нодиржон Мирзаҳмедовнинг қозоғистонлик боксчига қарши жанги якунланди

Сербиянинг Белград шаҳрида бокс бўйича эркаклар ўртасидаги жаҳон чемпионати ҳал қилувчи паллада. Мусобақада нимчорак финаллар якунланди. Энди навбат чорак финалларга.  

Бугун Ўзбекистон шарафини 6 нафар боксчимиз ҳимоя қилади. Ушбу жанглар медаллар учун кечади. 

Дастлаб Нодиржон Мирзаҳмедов (-48 кг) қозоғистонлик Темиртас Жуссупов билан рингга кўтарилади. Жанг Тошкент вақти билан 17:00да бошланади (А ринг).

Боксчилар рингга чиқиб келди. Нодиржон Мирзаҳмедов кўк либосда, унинг рақиби қизил формада ҳаракат қилади.

Биринчи раунд бошланди

Боксчилар бир-бирини ўрганмоқда. Клинч ҳолати. Икки боксчи ҳам биттадан аниқ зарба йўллади. Яна клинч ҳолати чўзилди.

Қозоғистонлик боксчи ҳамюртимизнинг юз қисмига аниқ зарба йўллади. Клинч... Темиртас яккалик аниқ зарбалар бермоқда.

Биринчи раунд қозоғистонликлар фойдасига 4:1.

Иккинчи раунд бошланди.

Бу раундни Нодиржон яхши бошлади. Иккилик аниқ зарбалар берди. Аммо кейин вакилимиз ҳимояланишга мажбур бўлди.

Мирзаҳмедов рақибини таъқиб этмоқда. Чунки очколар жамғариши лозим. Темиртас эса ринг бўйлаб ҳаракатланмоқда. У ҳамюртимизнинг юз қисмига уч бор зарба йўллади.

Иккинчи раунд ҳам қозоғистонлик боксчи фойдасига 5:0.

Учинчи раунд бошланди.

Бу раунд биз учун таваккал энди. Сабаби икки раунд рақиб фойдасига ҳал бўлди. Нокаут бизни кейинги босқичга олиб чиқади. Вакилимиз икки бор аниқ зарба йўллади.

Темиртас қочиб юрибди. Чунки унинг очколар етарли.

Жанг якунланди. Темиртас 5:0 ҳисобида Нодиржонни таслим этди ва ярим финалга йўл олди.