SPORTS.uz Белград-2021. Саиджамшид Жафаров кутилмаганда имкониятни бой бериб қўйди

Сербиянинг Белград шаҳрида бокс бўйича эркаклар ўртасидаги жаҳон чемпионати ҳал қилувчи паллада. Мусобақада нимчорак финаллар якунланди. Энди навбат чорак финалларга.  

Бир неча дақиқадан сўнг Саиджамшид Жафаров (-75 кг) таиландлик Вирапон Жонгжохо билан рингга кўтарилади. Жанг Тошкент вақти билан тахминан 19:30дан сўнг бошланади (В ринг).

Ушбу жуфтлик ғолиби 3 ноябрь куни россиялик Бизхамов Жамбулат билан жанг қилади.  

Боксчилар рингга чиқиб келишди. Ҳамюртимиз қизил либосда, унинг рақиби кўк формада ҳаракат қилади.

Биринчи раунд бошланди.

Боксчилар ҳозирча бир-бирини ўрганмоқда. Таиландлик боксчи вакилимизнинг юз қисмида бир марта зарба берди. Саиджамшид ҳам бунга жавобан икки марта зарба йўллади.

Клинч ҳолатида.. Ҳамюртимиз чап қўли билан кучли зарба беришга уринмоқда. Яна клинч ҳолати.

Биринчи раунд бизнинг фойдамизга 3:2

Иккинчи раунд бошланди.    

Жафаров рақибни кутиб олди ва ўнг қўлда айланма зарба йўллади. Энди эса чап қўлда кучли зарба берди. Саиджамшид иккилик зарбасини ижро этди. Вакилимиз қарши ҳужумда ҳаракат қиляпти. Рақибнинг зарбасини қайтариб, чап қўлини ишга соляпти.

Саиджамшид қорин қисмига зарба ўтказди. Бироқ кучли эмас. Клинч ҳолати.

Иккинчи раунд таиландлик боксчи фойдасига 3:2.

Учинчи раунд бошланди.

Ухх ҳозир ҳамюртимиз апперкот зарбасини аниқ йўллади. Клинч ҳолати...

Таиландлик боксчи таваккал қилмоқда. Лекин бу бизнинг фойдамизга. Сабаби Саиджамшид чап қўли орқали айланма зарбасини йўлламоқда.

Кетма-кет зарбалар беряпти вакилимиз. Рақиби ҳам қарама-қарши зарбалар беришга уринмоқда. Бироқ кўпи ноаниқ. 

Жанг якунланди. Ҳакамлар кутилмаганда ғалабани таиландлик боксчига тақдим этишди 3:2. Ҳакамларга саволлар кўпайгандан кўпаймоқда.