Сречко Катанец нега "Насаф" футболчиларини йиғинга жалб этмади?

Ўзбекистон миллий терма жамоасининг ноябрь ойида ўтадиган йиғинларига кенгайтирилган таркиб эълон қилинди. Футбол мухлислари “Насаф” клуби аъзолари таркибдан жой олмаганига эътибор қаратишгандир.

Хабарингиз бор, “Насаф” клуби ОФК кубоги финал баҳсида иштирок этмоқда. Шунингдек, ноябрь ойида Суперлиганинг қолдирилган тур учрашувлари ҳам ўтказилади. Ана шу зич тақвимни инобатга олган ҳолда, бу сафарги йиғинларга “Насаф” футболчилари жалб этилмайдиган бўлди.

Ўзбекистон миллий терма жамоаси бош мураббийи Сречко Катанец клуб футболчиларига ишонч билдиради ва кейинги йиғинларга муносибларни жалб этишда давом этади.

Ўзбекистон футбол ассоциацияси матбуот хизмати