Стефанос Циципас барчани лол қолдирди

Грециялик теннисчи Стефанос Циципас Хитой пойтахти Пекин шаҳрида ўтказилаётган "China Open" мусобақасининг навбатдаги босқичида грузиялик Николоз Басилашвилига қарши кортга чиқди. 

Чорак финал йўлланмаси учун ўтган ушбу ўйинда С.Циципас рақибини уч сетда 4:6, 6:3, 6:2 ҳисобида мағлубиятга учратди.

Шу тариқа Циципас мусобақанинг 1/4 финал босқичида тажрибали америкалик теннисчи Жон Иснер билан ўзаро куч синашадиган бўлди.