Стефанос Циципас Лондонда миллионерга айланди
Грециялик теннисчи Стефанос Циципас Лондон шаҳрида ўтказилган ATP Якуний турнир финалида австриялик Доминик Тимга қарши кортга чиқди.
 
Кескин ва муросасиз тарзда уч сет давом этган ўйинда Стефанос тажрибали рақибини 6:7, 6:2, 7:6 ҳисобида мағлубиятга учратди.
 
21 ёшли грециялик теннисчига мазкур ғалаба 2,656,000 АҚШ доллар пул мукофоти ва 1300 рейтинг очкосини келтирди.