Суарес “Барселона” футболчилари орасида бу мавсум энг кўп соврин ютган футболчига айланиши мумкин

Хабарингиз бор мавсумнинг иккинчи қисмини “Арсенал” сафида ижарада ўтказган "Барселона" хавбеки Денис Суарес мавсум сўнггигача сафдан чиқди. Бироқ, бу унинг совринлар қўлга киритишига тўсқинлик қилмайди.

Sport.es нашри тарқатган хабарга кўра 25 ёшли испаниялик футболчи мавсум сўнггида бирданига 5та соврин эгасига айланиши мумкин.

Таъкидлаш керакки, у аллақачон “Барселона” сафида Испания Суперкубоги ва Ла Лигада ғолиб чиқди. Каталонияликлар тез орада ўз музейларини Испания кубоги ва Чемпионлар лигаси кубоги билан тўлдиришлари кутилмоқда. Суарес ижарада ўйнаган “Арсенал” эса бир оёғи билан Европа лигаси финалида турибди. Агар юқоридаги мусобақаларда Суареснинг жамоалари зафар қуча олишса, унинг бу мавсумда қўлга киритган совринлари 5тага етади.

Шу тариқа Суарес “Барселона” футболчилари орасида бу мавсум энг кўп соврин ютган футболчига айланиб олади.