Суарес: "Танқид мени ҳеч қачон синдира олмаган"

"Интер Майами" ҳужумчиси Луис Суарес фаолияти давомида танқидлар билан қандай курашгани ҳақида гапирди. Унинг таъкидлашича, бутун карьерасида уни олдинга етаклаган асосий жиҳат — матонат ва охиригача кураша олишдир.

Суаресдан: "Сизни энг кўп тавсифлайдиган жиҳат нима? Қаерга етиб келган бўлсангиз, сизга нималар ёрдам берган?" — деб сўрашганда, у шундай жавоб берди:

"Жуда кўп ҳолларда мен бардошлилик ва қаттиқ курашишнинг намунаси бўла оламан деб ўйлайман. Лекин бошқа жиҳатларда мен намуна эмасман — буни ўзим ҳам биламан, тушунаман ва қабул қиламан. Мен ҳар доим танқид билан курашиб келганман. 18 ёшимда "Насьональ"да дебют қилганимдаёқ мени гол ўтказиб юборган вазиятлар учун танқид қилишган. Шунда мен танқид варағини ёпиб қўйишга ҳаракат қилганман".

Футболчининг айтишича, танқид унга ҳар доим ҳамроҳ бўлган:

"Нидерландияга кетганимда мени семиз деб аташди, “Аякс”да ҳам худди шундай дейишди. “Ливерпуль”да мени интизомсизликда айблашди. Кейин “Барселона”даги қийин даврларимда ҳам танқидлар давом этди. Карьерамнинг ҳар бир босқичида мен доим бир хил нарса билан курашдим".

Суарес танқид уни синдирмаганини, аксинча, янада кучли қилганини таъкидлади:

"Эҳтимол, бундай босим остида ўзимни яхши ҳис қилгандирман, лекин бу мен истаган нарса эмас. Танқид мени қаттиқ чиниқтирди — улар ҳеч қачон мени ерга ура олмаган. Мен танқидлардан азоб чекяпман деб кўрсатмаганман. Танқид доим эътибор тортади, улар сиз бош эгиб юришингизни хоҳлашади. Мен эса ҳар доим бу жиҳатда кучли бўлишга интилиб келганман".