Сульшер: Биз ғалабага лойиқ эмас эдик

"Манчестер Юнайтед" бу тур сафарда "Уотфорд"га қарши баҳс олиб борди ва 0:2 ҳисобида имкониятни бой берди. Учрашувдан сўнг "қизил иблислар" устози Уле-Гуннар Сульшер беллашув борасидаги ўз фикрларини билдириб ўтди.

"Бугунги ўйинимиз билан ғалабага лойиқ эмас эдик. Биз тўп билан жуда секин ҳаракатландик. Ўйинни қутқариш учун етарлича ҳаракат қилмадик. Биринчи бўлимда ҳар иккала жамоа ҳам ўртача темпда ўйнади. Агарда, сиз гол урмасангиз, сизга уришади.

 Бугун ғалабага лойиқ эмас эдик. "Уотфорд" ўз вазиятларидан унумли фойдаланди. Биз эса йўқ. Бунинг устида ишлаш лозим", - деди норвегиялик мутахассис.