Сульшер: Бизда суперфутболчига жой йўқ!

“Манчестер Юнайтед” бош мураббийи Сульшер “Бавария”дан кетишга қарор қилган универсал ҳимоячи Давид Алаба клубга таклиф қилинмаслигини билдирди.

Сульшер қишки трансферлар вақтида ярим ҳимоя чизиғини кучайтиришга эътибор қаратади ва 28 ёшли австриялик футболчи вариантини ўйлаб ҳам кўрмайди.

2008 йилдан бери “Бавария” шарафини ҳимоя қилаётган Алаба ёзда ўзига катта маош тўлайдиган клубга ўтмоқчи. Ҳимоянинг турли нуқталарида ишончли ўйнай оладиган футболчи йилига 15-20 миллион евро атрофида маош талаб қиляпти.