Сульшер: Фантастик учрашув! Ҳисоб 12:4 бўлиши ҳам мумкин эди

"Манчестер Юнайтед" бош мураббийи Оле-Гуннар Сульшер Англия Премьер лигасининг 14-турида "Лидс"га (6:2) қарши кечган беллашув ҳақида ўз фикрларини билдириб ўтди.

"Фантастик учрашув бўлди. Тасаввур қилинг, агар стадионда 75 минг мухлис бўлганида нималар рўй бериши мумкин эди. Бу "Лидс"га қарши кечган энг буюк беллашувлардан бири сифатида тарихга киради.

Биз қийин бўлишига қарамай, улар каби кўп югуриб, меҳнат қилиб, ғалаба учун курашишимиз керак эди. Ҳисоб 12:4 бўлиши ҳам мумкин эди. Ҳа, баҳс шундай бўлди.

Менга ёқди, ўйин жуда қизиқарли кечди. Қандай ҳисоб бўлишидан қатъий назар, "Лидс" доим ўзгача услубда ҳаракат қилади, хоҳ у 5:0 бўлсин, хоҳ 0:5.

"Манчестер Юнайтед" ҳали йўлнинг ярмини ҳам босиб ўтмади. Биз турнир жадвалига қарамаймиз, жамоани шаклланишини кузатиб борамиз ва кучайишда давом этамиз. Бугунги ғалаба мухлисларимиз учун керак эди," - деди Сульшер.