Сульшер Клоппнинг фикрларига жавоб қайтарди

"Манчестер Юнайтед" бош мураббийи Оле-Гуннар Сульшер "Манчестер Сити"га қарши кечадиган Англия лигаси кубоги баҳси олдидан Юрген Клоппнинг фикрларига жавоб берди:

"Менда уларнинг нечта пенальти тепганини санаб ўтиришга вақт йўқ. Бизнинг жарима майдони ичида неча маротаба фол билан тўхтатиб қолинишимизни ҳам ҳисоблаб ўтирмайман. Бу кимларнидир қизиқтирса, бемалол гапиришлари мумкин. Менинг бундай ишларга вақтим йўқ", - деди норвегиялик мутахассис.

Аввалроқ, "Ливерпуль" устози Юрген Клопп:

"Мен "Ливерпуль"га келганимга 5,5 йил бўлди. Шу вақт давомида ишлаб олган пенальтиларимиз МЮнинг сўнгги 2 йилдаги пенальтилари билан тенг. Бу шунчаки юзага келиши мумкин бўлмаган ҳолат", - деган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)