Сульшер кўзлаган футболчи ким?

“Манчестер Юнайтед” раҳбарияти “Боруссия” футболчиси Жейдон Санчо трансферидан воз кечди ва эътиборини “Уотфорд” вакили Исмоил Саррга қаратди.

Айни пайтда манчестерликлар 22 ёшли сенегаллик ярим ҳимоячи учун ягона даъвогар ҳисобланади. Чунки, Саррга қизиқиш билдирган “Ливерпуль” унинг ўрнига “Вулверхэмптон”дан Диогу Жотани сотиб олди ва африкалик футболчи учун курашдан чиқди.

Премьер-лигадан тушиб кетган “Уотфорд” катта маош олаётган Сарнни “Манчестер Юнайтед”га ижарага беришга тайёр. Бу орқали жамоа Исмоилнинг маошига кетадиган маблағни бошқа ўйинчиларни олишга йўналтириш имконига эга бўлади.