Сульшер МЮда "Ньюкасл" футболчисини кўрмоқчи

“Манчестер Юнайтед” клуби раҳбарияти ҳамон “Ньюкасл” ярим ҳимоячиси Шон Лонгстаффни сотиб олиш фикридан қайтмаяпти.

Sky Sports нашри тарқатган хабарга кўра “қизил иблислар” 21 ёшли футболчининг трансфери бўйича расмий таклиф тайёрлашмоқда. Таъкидлаш керакки, “қарғалар” ушбу футболчисини 50 млн фунтдан камига сотмоқчи эмас.

Маълумотларга қараганда Лонгстаффни шахсан МЮ бош мураббийи Оле-Гуннар Сульшер ўз жамоасида кўрмоқчи.

Эслатиб ўтамиз, у ўтган мавсум АПЛда бор йўғи 13та учрашувда иштирок этди холос. Боиси, март ойида тиззасидан олган жароҳати сабаб мавсумни эрта якунлашга мажбур бўлди.