Сульшер МЮга "Атлетико" футболчисини олиб келмоқчи

Мадриднинг "Атлетико" клуби ярим ҳимоячиси Томас Партей яқинлашиб келаётган ёзги трансферлар даврида "Манчестер Юнайтед"га кўчиб ўтиши мумкин. Бу ҳақда Footballghana.com нашри хабар тарқатмоқда.

Юқоридаги манбаага кўра “қизил иблислар” 25 ёшли ганалик футболчини унинг шартнмоасида кўрсатилган 50 миллион евролик товон пули эвазига сотиб олишга тайёр.

МЮ бош мураббийи Уле Гуннар Сульшер ушбу футболчини жамоадан кетадиган Андера Эррера ўрнига муносиб кўрмоқда.

Маълумот учун, Партей жорий мавсум “Атлетико” сафида жами 42та ўйинда иштирок этди ва ўз ҳисобига 3та гол ҳамда 6та голли узатма ёздириб қўйишга эришди.