Sulsher MYuni qattiq tanqid qildi

“Manchester Yunayted” bosh murabbiyi Sulsher Chempionlar ligasida “Leyptsig”ga 2:3 hisobida mag‘lub bo‘lib, guruhdan chiqa olmagan shogirdlarini tanqid qildi.

- Biz yaxshi o‘ynadik, deyishga haqqimiz yo‘q. Biz guruhdan chiqishga loyiq emasmiz. Istanbuldagi mag‘lubiyat ham o‘z ta’sirini o‘tkazdi. “Istanbul Bashakshexir”ga qarshi o‘yinda ochko yo‘qotmasligimiz kerak edi. Bugun ham durangga yaqin edik, lekin raqibga kuchimiz etmadi, - dedi Sulsher.

Endi manchesterliklar “ko‘hna qit’a”ning ikkinchi musobaqasi – Evropa Ligasining pley-offida qatnashadi.