Сульшер: Қолган 6та ўйинда 15 очко жамғаришимиз шарт

"Манчестер Юнайтед" клуби бош мураббийи Уле Гуннар Сульшер АПЛнинг қолган туридаги мақсади нима бўлишини айтди.

“Биз халқаро танаффусдан сўнг охирги 8та баҳсда 18 очко тўплашимиз шарт эди. Биз уларнинг 2тасини ўтказиб бўлдик ва бор йўғи 3 очко ола билдик. Энди биз қолган 6та ўйинда 15 очко жамғаришимиз лозим. Бундан буён бизни хато қилишга ҳаққимиз йўқ”, - дейди норвегиялик мутахассис.

Эслатиб ўтамиз, МЮ айни дамда АПЛнинг ортда қолган 32та тур якунларига кўра 61 очко билан мусобақа жадвалида 5-ўринда бормоқда. Энди “қизил иблислар” чемпионатнинг қолган 6та баҳсида "Вест Хэм" (уйда), "Эвертон" (меҳмонда), "Манчестер Сити" (уйда), "Челси" (уйда), "Хаддерсфилд" (меҳмонда) ва "Кардифф" (уйда) жамоаларига қарши кураш олиб боради.