Сульшер "Уотфорд" мағлуб этилганидан сўнг нималар деди?

"Манчестер Юнайтед" бош мураббийи Уле-Гуннар Сульшер АПЛ 27-тури "Уотфорд" билан бўлиб ўтган ўйин ҳақида ўз фикрларини билдириб ўтди.

"Яхши ғалаба бўлди. Иккита мухим ғалабани қўлга киритдик. Голларни ва қуруқ ўйинни эса алоҳида таъкидлаб ўтишим керак. Энди эса мана шундай рухда давом этишимиз керак.

Биринчи таймда рақибга бир қанча имкониятлар тақдим қилдик. Аммо аста секин ўзимиз ҳам голлик вазиятлар яратишни бошладик.

Бруну Фернандеш жамоага жуда яхши мослашмоқда. У жамоада етакчиликни қўлга олишга интилмоқда", - дейди Сульшер.