Сульшерга МЮ керак эмасми?

“Манчестер Юнайтед” бош мураббийи Сульшер клуб билан шартномасини янгилашга шошилмаслигини маълум қилди.

Унинг амалдаги келишуви жорий мавсум охирида якунига етади. Норвегиялик мутахассис жамоада қолиш бўйича раҳбарият билан музокараларга киришмоқчи эмас.

Шунга қарамай, Сульшер жамоанинг узоқ муддат давомида ривожлантириш учун барча шароитлар яратилганини алоҳида таъкидлади.

Сульшер ўтган мавсумда қийин аҳволда қолган жамоани ғалабалар сари етаклай олган эди. Унинг қўл остида “Манчестер Юнайтед” Чемпионлар лигаси йўлланмасига эга бўлди. Жорий мавсумда эса, Англия премьер-лигасида жамоанинг ишлари юришмаяпти. Сульшер шогирдлари саккизта учрашувдан сўнг,13 очко билан 13-поғонада бормоқда.