Суперфутболчи “Барса”га розилик берди

Рональд Куман “Барселона”ни қабул қилиб олганидан буён Каталонияга чақираётган Жоржиньо Вейналдум ниҳоят, бир қарорга келди. Аслида Куман Нидерландия терма жамоасидаги шогирдини ўтган ёзги трансферлар вақтида олмоқчи эди.

“Ливерпуль”нинг муваффақиятларига катта ҳисса қўшиб келаётган истеъдодли ярим ҳимоячининг инглизлар билан келишуви мавсум охирида якунига кетди. Нидерландиялик футболчи шартномани янгилаш бўйича таклифларни қабул қилмади.

Аслида “Барселона” уни қишки трансферлар вақтида ҳам арзонроқ суммага сотиб олиши мумкин эди. Лекин Каталония клубининг ҳозирги молиявий аҳволи бунга йўл қўймаяпти.

Энди “Барселона” мутасаддилари футболчи вакиллари билан учрашиб, уни ёзда эркин агент сифатида келиши ва шахсий шартномаси бўйича келишиб олишни мўлжалламоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар