Суперклуб зўр дарвозабон учун 60 миллион евро тўлайди

«Челси» клуби «Порту» дарвозабони Диогу Кошта билан шартнома имзолаш имкониятини кўриб чиқмоқда.

Хабарларга кўра, лондонликлар португалиялик посбон шартномасида кўрсатилган 60 миллион евро миқдоридаги тўлов миқдорини фаоллаштиришга тайёр.

 Бу ҳақда Transfer News Live нашри Mundo Deportivo манбасига таяниб маълум қилмоқда. Таъкидланишича, «аждарлар» етакчиларидан бири бўлган Коштанинг эҳтимолий трансфери «Челси» учун ёзги трансфер ойнасининг энг йирик ва, эҳтимол, сўнгги катта харидига айланиши мумкин.

Transfermarkt портали маълумотига кўра, Диогу Коштанинг бозор қиймати 40 миллион еврони ташкил этади. У дунёдаги энг қиммат дарвозабонлар рўйхатида учинчи ўринни эгаллаб турибди. Сентябрь ойида футболчи 27 ёшга тўлади.

Кошта ҳозирга қадар «Порту» таркибида жами 247 та ўйин ўтказган. Португалия миллий жамоаси сафида эса 48 марта майдонга тушган.