Суперкомпютер АПЛда ким чемпион бўлишини таҳмин қилди

Opta суперкомпютери "Арсенал" 2025/26-йилги мавсумда АПЛда ғолиб чиқишини таҳмин қилди.

Айни дамда, Микель Артета жамоаси 18 турда 42 очко жамғариб, турнир жадвалида биринчи ўринни эгаллаб турибди. Иккинчи ўринда 40 очко тўплаган "Манчестер Сити" бормоқда. Учинчи поғонадан 39 очко жамғарган "Астон Вилла" жой олган.

Opta суперкомпютери мавсумнинг қолган қисмида 10 мингта симуляция ўтказди ва 65,63 фоизида "Арсенал" ғолиб бўлди.

"Ман Сити"нинг чемпионлик эҳтимоли 26,32%, "Астон Вилла" - 7,33%, "Ливерпуль" - 0,65%, "Челси" - 0,05, МЮ ва "Брентфорд" - 0,01% деб баҳоланган.

Қолган жамоаларда биринчи ўрин учун имконият йўқ, деб ҳисоблади Opta.