Суперкомпьютер АПЛда қайси жамоа ғолиб чиқишини аниқлади

Opta тадқиқотлар маркази суперкомпьютери Англия Премьер-лигасининг олтинчи тури якунларига кўра, жамоаларнинг чемпионлик курашидаги рейтингини янгилади.

Кетма-кет бешта ғалабадан кейин кутилмаганда “Кристал Пэлас”дан мағлубиятга учраган амалдаги чемпион “Ливерпуль” жорий мавсумда ҳам бош совринга асосий даъвогарлик мавқеини сақлаб қолди. Сунъий интеллект Арне Слот жамоасининг чемпионлик имкониятини 46,5 фоизга баҳолмоқда.

Суперкомпьютер таҳлили бўйича “Ливерпуль” билан асосан Микель Артета бошқараётган “Арсенал” рақобат қилиши мумкин. “Канонирлар”нинг чемпион бўлиш имконияти 34,6 фоизга тенг.

Қолган даъвогарларнинг кўрсаткичлари анча паст. Хусусан, рейтингда учинчи қатордан жой олган “Манчестер Сити” 10,1 фоизлик кўрсаткичга эга.

Бу рўйхатда “Кристал Пэлас” 3,8 ва “Челси” 1,3 фоизга баҳоланди. “Тоттенхэм”, “Борнмут”, “Брайтон”, “Фулхэм”, “эвертон”, “Брентфорд”, “Ньюкасл” ва “Астон Вилла” каби жамоаларнинг чемпион бўлиш имконияти  бир фоизни ҳам ташкил қилмайди.