Суперкомпютер Чемпионлар Лигасида "Барса" ғолиб бўлишини таҳмин қилди

"Opta" аналитик суперкомпютери 2024/25-йилги УЕФА Чемпионлар Лигаси фаворитларини аниқлади. Унга кўра, “Барселона” турнирда ғолиб чиқиш учун асосий даъвогар сифатида кўрилмоқда. Каталонияликларнинг чемпион бўлиш эҳтимоли — 23.1 фоизни ташкил этмоқда.

Уларнинг ортидан ПСЖ (19.3%), "Арсенал" (15.6%) ва "Интер" (13.8%) каби клублар келмоқда. Мадриднинг “Реал” клуби эса 12.2% эҳтимол билан кучли бешталикни якунлаб турибди.

"Бавария" 10.8%, "Астон Вилла" 3.7% ва "Боруссия Дортмунд" 1.5%га баҳоланмоқда. 

Кўриниб турибдики, энг катта имконият Каталония клубида. ПСЖ ва "Арсенал" эса асосий рақобатчилар сифатида кўрилмоқда.

Эслатиб ўтамиз, ЕЧЛ чорак финал баҳслари 8-9 апрель кунлари бўлиши режалаштирилган.