Superkompyuter Chempionlar Ligasida jamoalarning g‘olib bo‘lish imkoniyatlarini baholadi

Chempionlar Ligasi chorak finalining birinchi bashlaridan so‘ng "Opta" mutaxassislari superkompyuterni yana ishga tushirib, jamoalarning musobaqada g‘alaba qozonish ehtimollarini hisoblab chiqishdi.

Hisob-kitoblarga ko‘ra, Evropa Chempionlar Ligasi kubogini qo‘lga kiritish bo‘yicha eng yuqori imkoniyat Londonning “Arsenal” klubiga tegishli. “Kanonirlar”ning turnirda g‘alaba qozonish ehtimoli — 27,8 foiz.

Ikkinchi o‘rinda “Barselona” — 25,9%, uchinchi o‘rinda esa PSJ joylashgan — 21,9%. To‘rtinchi pog‘onada Milanning “Inter” klubi — 19,8%.

Qolgan jamoalarning imkoniyatlari quyidagicha: “Bavariya” — 3%, “Real Madrid” — 0,9%, “Aston Villa” — 0,8% va “Borussiya Dortmund” — 0%.

Eslatib o‘tamiz, o‘tgan mavsum Chempionlar Ligasi g‘olibi “Real Madrid” bo‘lgan edi.