1-3 август кунлари Суперлигада иккинчи давранинг дастлабки тури бўлиб ўтди. Беллашувларда бир қатор воқеликлар кузатилди. Қуйида турнинг эътиборга молик воқеликлари ҳақида фикр юритамиз.

“Олимпик” Суперлигада 5 тадан гол уришга ўрганди

Бу мавсум элитага чиққан “Олимпик”нинг иштаҳаси карнай. Аввал “Бунёдкор”га, энди “Сурхон”га 5 та гол урди. Тимур Кападзе шогирдлари “қалдирғочлар” устидан қозонган ғалабасидан сўнг Шуҳрат Мақсудовнинг курсисини қимирлатиб юборганди. Ҳозир эса термизликлар мураббийи Анхель Лопесга танқид тошлари отилган. Испаниялик мутахассис “Сурхон”га ўз қарашларини сингдиргунча яна йирик ҳисобда таслим бўлса, биринчи рейс билан ўз юртига жўнаб кетиши ҳеч гап эмас.

Ҳа айтганча, “Олимпик” жорий мавсум 5 тадан гол ураётган ягона жамоа. Улар бу ишни икки бор уддалади. Демак, Кападзе шогирдлари билан ўйинда ҳазиллашиб бўлмайди.

Суперлигада ёзда амалга оширилган энг яхши трансферлар ТОП-10

20220705160351_IMG_5747 (1)

Максим Шацкихнинг омадли дебюти

“Шерлар” ёзги трансферлар даврида анча ўзгарди. Таркибдаги легионерларга жавоб берилди. Ўрнига бошқалари келди. Бош мураббий Славче Войнески ҳам истеъфога чиқарилди. Жамоа тарбияланувчиси Максим Шацких амалдаги чемпионлар мураббийига айланди.

Максим дебютини аутсайдер жамоага қарши учрашувда ўтказди. Буни яхши томони рақибнинг кучсизлиги, ёмони ҳам шу. Чунки футболчиларда рақибга тўғри баҳо бермай, менсимаслик кайфияти пайдо бўлиши мумкин. Сал қолса бу ҳолат “Пахтакор”га панд бериб қўйиши мумкин эди. Катта ўзгаришлардан сўнг жамоада шундай тебранишлар бўлиши табиий.

Шу билан биргаликда самарқандликлар сафида бир қатор тажрибали футболчилар пайдо бўлганди: Эркин Байдуллаев, Марат Бикмаев, Элгужа Григалашвили. Бикмаев Суперлига-2022даги илк голини пойтахтликлар дарвозасига урди. Марат бу ўйинда дублга эришди.

20220718161611_IMG_7919

Ҳужумчиларга иш қолдирмаган ҳимоячи

39 ёшли Жасур Ҳасанов ҳали ҳам ўз қанотида етакчилардан. Унинг рейдлари жамоасига фойда беришда давом этмоқда. Жиззахликларнинг биринчи голида Ҳасановнинг ҳиссаси катта. У 90 фоиз ишни бажарди.

Иккинчи голда Аваз Ўлмасалиев ўз дарвозасини ишғол қилди. Ҳимоячи посбон олдинга чиқаётганини кўрмади шекилли ҳудди ҳужумчилардек дарвозага тўпни йўллади. “Сўғдиёна” ҳужумчиларига ортиқча иш қолдирмади.

Диёр Имомхўжаевнинг гапида жон бор. "Бунёдкор" шундан ҳам қуруқ қолиши мумкин

IMG_1123

Жерард каби сирпанган Холмуҳаммедов

Ўйин дерби номига мос ўтди. Қизиқ карточка, ВАР, жиддий кураш ва бошқалар.

Қўқонликлар 2:1 ҳисобида ғалаба қозонаётганида Мурод Холмуҳаммедов сирпаниб кетиб, рақибга тўпни совға қилди. Фарғоналиклар бу вазиятдан гол урди.

2013-2014 йили АПЛнинг ҳал қилувчи баҳсида Стивен Жеррард ҳам “Челси”га қарши беллашувда сирпаниб кетиб, жамоасини чемпионликдан мосуво қолдирганди. Шунинг учун Холмуҳаммедовнинг оёғи тойиб кетгани фожеа сифатида қаралмаса ҳам бўлади. Боз устига ўша куни Яйпанда ёмғир ёғганди.

Ушбу беллашув ҳеч кимни бефарқ қолдирмади. Таниқли шарҳловчи Хайрулла Ҳамидов телеграмдаги саҳифасида "Водий дербиси" деган таъриф шунақа ўйинларга айтилса тўғри бўлади. АПЛ бошланиб кетдими деб ўйлабман… деган фикрни билдирди. Фарғона дербисини соғингандик…

photo_2021-12-10_10-24-52 

Самвел Бабаян 6 очколик ўйинда “Насаф”ни таслим этди

Бу ўйин ҳақида ортиқча тўхталиб ўтишнинг ҳожати йўқ. Йилда ўтказиладиган энг муҳим ўйинлардан бири эди. “Аждарлар” Қаршида 4 йилдан бери “лочинлар”ни енга олмаётганди. Энди серия яна чўзиладиган бўлди. 

Учрашувнинг қиймати анча баланд, 6 очколик ўйин эди. Чемпионлик йўлидаги икки жамоанинг ўзаро кураши ва бунда наманганликлар зафар қучди. Самвел Бабаян тўғри тактика қўллаб, ўзи 3 очко олди ҳамда “Насаф”ни 3 очкодан мосуво қолдирди.

“Навбаҳор” муҳим қадамлардан бирини ташлади ва бу орқали нияти қанчалик жиддий эканлигини намойиш қилди.

Самвел Бабаян ёпишга қийналаётган “Навбаҳор”нинг нозик нуқтаси

20220802160244_IMG_0118

Дербидаги яна ўша ғалаба ва яна ўша футболчига кўрсатилган қизил карточка

Очиғи, бу беллашувда аксарият инсонлар олмалиқликларнинг имкониятини баландроқ ҳисоблаётганди. Таркиб ва ўз олдига қўйган мақсаддан келиб чиқсак, Миржалол Қосимов шогирдлари анча ёрқинроқ намойн бўлади. Лекин АГМКдаги тажриба иштиёқ олдида ожизлик қилди. Футболда тахминлар доим ҳам ўзини оқламаслигини яна бир бор кўрдик.

Қолаверса, Сардор Раҳмонов 1-турда “Металлург”га қарши ўйиннинг 20-дақиқасида қизил карточка олиб жамоасини қийин аҳволга солиб қўйганди. Буни қаранг-ки, жавоб баҳсида ҳам Раҳмонов майдондан четлатилди 40-дақиқада. Биринчи ўйинга қараганда, дербида 20 дақиқа кўпроқ ҳаракат қилди ҳимоячи, ўсиш бор.

Ундан аввал “Олимпик” билан баҳсда қизил карточкага раво кўрилганди ва шунда олмалиқликлар имкониятни бой берган. Раҳмонов бу кетишда бир мавсумда қизил карточкалар олиш бўйича рекорд ўрнатса керак.

photo_2022-01-05_16-49-31

“Локомотив” собиқ Локочиларга қарши

Локолашган “Қизилқум” Тошкентга ташриф буюрди. Навоийликлар сафида асосий таркибда майдонга тушган 7 футболчи “Локомотив” сафида тўп тепган. Шунинг учун “Локомотив” стадиони “Қизилқум” учун бегона эмасди. Эътиборга молик томони, "Локомотив" ўз уйида қизил либосда ҳаракат қиларди. Бу гал "Қизилқум" қизил формада майдонга тушди. Логотипларга эътибор қаратмаган инсон "Локомотив" иккига бўлиниб ўртоқлик ўйини ўтказмоқдами? деган ҳаёлга келиши мумкин.

IMG_2820

Ўйинда Жавоҳир Алижонов томонидан киритилган гол мезбонларга 3 очко келтирди. Ажаб эмас, кейинги мавсум Жавоҳирни ҳам “Қизилқум”да кўриб қолсак. 

 

Бекзод ИСАЕВ

Фикрлар

Фикр қолдириш учун авторизациядан ўтинг!