Суперлига. Бугун "Насаф" чемпионликка муҳим қадамни ташлаши мумкин

Хабарингиз бор, кеча Суперлиганинг 18-турига старт берилди. 

Мазкур тур доирасида бугун ҳам иккита ажойиб беллашув бизни кутмоқда. "Навбаҳор" ўз стадионида "Насаф" билан, "Бунёдкор" эса сафарда "Динамо" билан баҳс олиб боради. Ҳар икки ўйин ҳам 19:30да бошланади.

Ҳозирда турнир жадвалида яққол пешқадамликни қўлга олган "Насаф" учун бугунги ўйин жуда муҳим. "Бургутлар" ҳисобида жами 38 очко мавжуд. Агар бугунги ўйинда жамоа ғалабага эришса, катта эҳтимол чемпионликни ҳал қилади.

Ушбу баҳсдаги натижа "Навбаҳор" учун ҳам катта аҳамиятга эга."Лочинлар" беллашувда зафар қучса, очколар сонини 26 тага етказиб олади ва "Сурхон"ни ортда қолдирган ҳолда 6-поғонага кўтарилиб олади.