Superliga. "Dinamo" o‘z maydonida "Neftchi"ga mag‘lub bo‘ldi

Superliganing 7-turidan qoldirilgan "Dinamo" va "Neftchi" uchrashuvi yakunlandi. Mazkur bellashuvda mehmonlar 2:0 hisobida g‘alaba qozonib, 3 ochkoni qo‘lga kiritdi.

Bellashuvning 24-daqiqasida Ibrohimhalil Yo‘ldoshev hisobni ochgan bo‘lsa, 78-daqiqada Abrobek Ismoilov jamoasining ikkinchi golini kiritdi.

Shu tariqa, farg‘onaliklar 14-turdan so‘ng ochkolarini 27 taga etkazib, uchinchi o‘ringa ko‘tarilib oldi. Samarqandliklar esa 28 ochko bilan hozircha ikkinchi o‘rinda bormoqda.