Superliga: Janubliklarning g‘alabasi, chempionni o‘yin borasida mag‘lub etgan Abramovning yoshlari va boshqalar

Mamlakat chempionatining 9-turi Osiyo chempionlar ligasida ishtirok etayotgan jamoalarimizning o‘yinlari bilan boshlandi. “Paxtakor” andijonliklarga qarshi safar uchrashuvini Farg‘onada o‘tkazib, g‘alaba qozondi. Poytaxt derbisida Vadim Abramovning yoshlari amaldagi chempionni mag‘lubiyatga uchratishlariga bir bahya qoldi.

9-turni mamlakatimiz janubida joylashgan viloyatlar vakillari muvaffaqiyatli o‘tkazishdi. Qarshiliklar uyda, termizliklar esa mehmonda g‘alaba qozonishdi.

“So‘g‘diyona” joriy mavsumda safardagi bahslarning barchasida imkoniyatni boy bergandi. Nihoyat, jizzaxliklar mehmonda g‘olib chiqishdi.

ANDIJON – PAXTAKOR 0:3

Andijondagi “Sog‘lom avlod” stadionida yoritish tizimi FIFA talablariga to‘la javob berishi uchun ta’mirlash ishlari olib borilayotgani bois bahs Farg‘onadagi “Istiqlol” o‘yingohiga ko‘chirildi. Buni tushunish mumkin. Lekin o‘yin o‘tadigan arena va shahar o‘zgarishi bor-yo‘g‘i bir kun qolganda e’lon qilinishi ko‘plab e’tirozlarga sabab bo‘ldi. Nahotki ishni shu tarzda tashkil qilish o‘zini Professional ataydigan ligaga munosib bo‘lsa? O‘zbekiston Professional Futbol Ligasi rasmiy sayti - pfl.uz o‘yin o‘tkazilish joyi o‘zgartirilgani haqidagi ma’lumotni uchrashuv bo‘lib o‘tadigan sana kirishiga roppa-rosa bir soat qolganda berdi. Andijonliklarga shu kuni yangi bosh murabbiy tayinlangani qanday ta’sir ko‘rsatishi ko‘pchilikning e’tiborini tortdi. Mavsum avvalidagi muvaffaqiyatsizliklar oqibatida klub rahbariyati Jamshid Saidovga ishonch bildirishga qaror qildi. O‘yin boshidan nazoratni o‘z tomoniga og‘dirgan "sherlar" qulay imkoniyatlarni yuzaga keltirishdi. Dragan Cheranning zarbasiga aniqlik etishmagan bo‘lsa, Jaloliddin Masharipov va Akramjon Komilovning zarbalaridan keyin Vitaliy Mirniy to‘pni qaytardi. Taym oxirida Cheranning bosh bilan yo‘llagan aniq zarbasidan keyin mezbonlar posboni mahorat ko‘rsatdi. Sanjar Quvvatov bu orada Shahzodbek Ubaydullaevning urinishini zararsizlantirganidan so‘ng boshlangan hujumda poytaxtliklar birinchi golni urishdi. O‘ziga nisbatan jarima maydoni ichida ishlatilgan qo‘pollik uchun belgilangan penaltidan Dragan unumli foydalandi. Ikkinchi bo‘limda ham hujumkor o‘ynagan "Paxtakor" zaxiradan bahsga qo‘shilgan Marat Bikmaevning dubli evaziga yirik hisobda zafar quchdi. Dastlab Igor Sergeevning zarbasini Mirniy qaytargach, Marat to‘pni darvozaning yuqori burchagiga yo‘lladi. Keyin Masharipovning pasidan so‘ng Marat yaqin burchakni aniq nishonga oldi.

Gollar: Dragan Cheran penalti 45+2, Marat Bikmaev 81, 85

“Andijon”: Vitaliy Mirniy, Bobir Amonov, Oybek Qilichev, Farhod Bekmurotov, Shahzodbek Ubaydullaev (Shahbozbek Jumaboev, 79), Abdulloh Olimov (Ibrohimjon Otaxonov, 59), Ildar Mamatkazin, Abdurahmon Abdulhaqov (Ro‘zimboy Ahmedov, 74), Radosav Aleksich, Asror G‘afurov, Abror Husinov.

Zaxira: Ruslan Matniyozov, Farhod Mirahmatov, Sardor Sulaymonov, Doniyor Ismoilov, Xushnudbek Avilov, Bobirjon Akbarov.

“Paxtakor”: Sanjar Quvvatov, Hojiakbar Alijonov, Akramjon Komilov, Jaloliddin Masharipov, Dragan Cheran, Igor Sergeev, Dostonbek Hamdamov (Marat Bikmaev, 78), Odiljon Hamrobekov (Farruh Sayfiev, 90), Sherzod A’zamov, Sardor Sobirxo‘jaev (Vladimir Kozak, 76), Marko Simich.

Zaxira: Eldor Suyunov, Alisher Salimov, Jahongir Ahmadov. Egor Krimets, Shohruh Mahmudhojaev, Sobir Sindarov.

Ogohlantirishlar: Shahzodbek Ubaydullaev 42, Ildar Mamatkazin 45+2, Radosav Aleksich 64, Marko Simich 67.

6856 tomoshabin.

Jamshid SAIDOV: - O‘zbek futbolining bayroqdor jamoasi bilan kuch sinashdik. "Paxtakor" safida terma jamoamizning etakchi futbolchilari to‘p tepishadi. Yigitlarga, muxlislarga rahmat aytaman. Jamoa ikki yil Pro-ligada ishtirok etdi va o‘yin borasida kamchiliklar bo‘lishi tabiiy. Bu borada o‘z ustimizda ishlayapmiz. Futbol 90 daqiqadan iborat. Uchrashuv oxirida ikkita to‘p qo‘yib yubordik. Futbolchilar kontsentratsiyani yo‘qotib qo‘yishdi. Bugun g‘alaba qozonishni istagan edik, ammo penalti, bahs so‘ngidagi gol barchasini o‘zgartirib yubordi. Bellashuvning Farg‘onaga ko‘chirilishi ham ta’sir qildi. Stadionimizda minglab muxlislar qarshisida harakat qilish boshqacha. Axir o‘z uyingda “devorlar ham yordam beradi” deyishadi. “Sog‘lom avlod” o‘yingohida bahs umuman boshqacha kechgan bo‘lar edi.

Shota ARVELADZE: - O‘ylashimcha, raqibga imkon qoldirmadik. Bizda juda ko‘p vaziyatlar bo‘ldi. Ulardan ikkinchi taymda foydalandik. Tig‘iz taqvim tufayli uchrashuvlar baribir qiyin o‘tmoqda. Safarlar ta’sir ko‘rsatadi. Raqib munosib tarzda kurashishga intildi, lekin biz yaxshiroq harakat qildik. Haqli ravishda uch ochkoga ega chiqdik.

 

LOKOMOTIV – BUNYoDKOR 0:0

Uchrashuv boshida jamoalar ochiq futbol namoyish etishdi. 7-daqiqada Arslanmurat Amanov o‘ng qanotdan jarima maydoni ichiga etkazib bergan to‘pni Sardor Mirzaev bosh bilan darvozaga yo‘lladi. Birozgina noaniq. Keyin esa o‘yin ancha sekinlashdi. Toshkent derbisida ko‘pchilik kutgan shiddat ko‘rinmadi. Bahsning uchdan bir qismi o‘tib borayotganda Islomjon Qobilov uzoq masofadan tepgan to‘pni Javohir Ilyosov ushlab oldi. Birinchi taym oxirlarida Azizbek Haydarov boshi bilan zarba berdi. Abdumavlon Abdujalilov ajoyib harakat bilan xavfni bartaraf etdi. 70-daqiqada Javohir Ilyosov to‘pni to‘xtatishda xatoga yo‘l qo‘ydi, Vladislav Nuriev esa darvozaga aniq zarba bera olmadi. Bellashuvga qo‘shib berilgan daqiqalarning so‘nggisida Vladislav Nuriev standart vaziyatdan keyin gol urgandi. Ammo qanot hakami ushbu holatni ofsayd deb topdi. Natijada “temiryo‘lchilar” 2 turdan beri qayd etilayotgan durangli seriyani davom ettirishdi.

“Lokomotiv”: Javohir Ilyosov, Anzur Ismoilov, Azizbek Haydarov (Diyorjon Turopov, 61), Jamshid Iskanderov (Filipp Raevats, 81), Sardor Mirzaev, Temurxo‘ja Abduxoliqov, Islom To‘xtaxo‘jaev, Yovan Jokich, Davronbek Hoshimov, Oleg Zoteev, Arslanmurat Amanov (Azizbek Amonov, 46).

Zaxira: Ma’mur Ikromov, Avazbek O‘lmasaliev, Shuhrat Muhammadiev, Bobur Ergashev, Igor Yelich.

“Bunyodkor”: Abdumavlon Abdujalilov, Islomjon Qobilov, Anvar G‘ofurov, Dilshodbek Ahmadaliev, Jasurbek Jaloliddinov (Suhrob Izzatov, 55), Xurshid G‘iyosov (Abdulla Abdullaev, 79), Lutfulla To‘raev, Mirjahon Mirahmadov (Vladislav Nuriev, 59), Sanjar Qodirqulov, Nurillo To‘xtasinov, Ulug‘bek Abdullaev.

Zaxira: Murodjon Zuhurov, Sergey Proxorov, Boburbek Farhodov, Sanjar Rixsiboev, Muhammadodil Qahramonov, Farrux Ikromov.

Ogohlantirishlar: Davronbek Hoshimov 32, Anvar G‘ofurov 80, Diyorjon Turopov 90+1, Suhrob Izzatov 90+3.

3112 tomoshabin.

Vadim ABRAMOV: - Toshkent jamoalari qanday o‘rinda, qay holatda bo‘lishidan qat’i nazar, derbida har doim shunday murosasiz kurash kechadi. Yigitlar o‘zlarini yo‘qotib qo‘yishmadi. To‘g‘ri, eng yaxshi o‘yinlarimizdan birini namoyish qila olmadik. "Lokomotiv" ikkinchi taymda gol urishga intildi, biz qarshi hujumda ularni ushlamoqchi edik. Afsuski, yaratilgan vaziyatlardan foydalanishda shogirdlarimga sovuqqonlik etishmadi. Biroz tajriba bo‘lganida vaziyatni foydamizga hal etardik. Vladislav Nuriev Superliga bahslarida endigina ikkinchi marta ishtirok etmoqda. Odam sifatida uni tushunish kerak, futbolchi hali bunday darajadagi uchrashuvlarda maydonga tushmagan. Lekin yaxshi sifatlari etarlicha, uning ham davri keladi. Bizda hujumchilar borasida maummolar bor. Gol? Menimcha, qanot hakami xato qildi. Biroq ular ham odam. Umuman olganda bugun referilar yaxshi ishlashdi. Chempionatimizda VAR tizimi yo‘q. Agar bu sistema bo‘lganida hakamlar bellashuvni to‘xtatib, vaziyatga baho berishardi. Hali Evropa darajasiga etmadik. Televizorda ko‘rish va uni muhokama qilish esa osonroq. Agarda biz ular darajasiga etmoqchi bo‘lsak, shunga monand harakatlarni amalga oshirishimiz darkor.

Andrey FYoDOROV: - Bu uchrashuvni muhokama qilish qiyin. O‘yinimiz o‘xshamadi. Sekin harakatlandik. "Bunyodkor" e’tiborini himoyaga qaratgani bois qarshi hujumlarga o‘tib, vaziyatlarga ega bo‘ldi. Natija adolatli: g‘alabaga loyiq emasdik. Birinchi taymda yaxshi vaziyatlardan foydalana olmagan bo‘lsak ham shu fikrimda qolaman. Omadsizliklar... Iste’fo? Bu borada o‘ylamaypman. Bunday vaziyatda klubni faqat kalamushlar tashlab ketishadi. Men buni noto‘g‘ri deb o‘ylayman. Agarda kimdir jamoaga 100 foiz yordam ko‘rsata olsa, albatta, joyimni bo‘shatib beraman. Bizda o‘yinlar juda ko‘p. Shuning uchun tiklanishga, kuch to‘plashga vaqt etmay qolayapti. Endi esa oldimizda kichik tanaffus bor. Yigitlarni jismoniy va ruhiy tomonlama o‘z holatiga keltirishga harakat qilamiz.

 

NASAF – QO‘QON-1912 2:0

Mazkur jamoalar o‘tgan mavsumda o‘zaro to‘rtta uchrashuv o‘tkazishgandi. O‘yinlarning uchtasida durang natija qayd etilgan bo‘lsa, bitta bahsda “ajdarlar” zafar quchishgandi. Bellashuvni mezbonlar hujumlar bilan boshlashdi. 15-daqiqada Humoyun Murtazoev darvozabon bilan birga-birga vaziyatga chiqib noaniq zarba berdi. Burchak zarbasidan uzatilgan to‘pni Shahboz Erkinov bosh bilan darvozaga yo‘lladi. Ammo ustun maydon egalari joniga oro kirdi. Ikkinchi taymni ancha shiddatli boshlagan “Nasaf” vakillari 55 va 57-daqiqalarda ikki marta gol urishdi - Xumoyun Murtazoev dubl muallifi bo‘ldi. 70-daqiqada Quvondiq Ro‘zievning zarbasiga ozgina aniqlik etishmadi. Bellashuv oxirlarida esa darvozabon yaxshi harakat qilib, jamoasining g‘alabasiga hissa qo‘shdi. Ketma-ket 12 o‘yindan buyon “ajdarlar”ni enga olmayotgan “Qo‘qon-1912” bu safar ham mag‘lub bo‘ldi. Humoyun Murtazoev esa 5-turdan buyon golli seriya qayd etmoqda.

Gollar: Humoyun Murtazoev 55, 57

“Nasaf”: Umidjon Ergashev, G‘olib G‘aybullaev, Azizjon G‘aniev, Dilshod Saitov, Humoyun Murtazoev (Bobir Abdixoliqov, 82), Sharof Muhiddinov (Akmal Mozgovoy, 77), Doniyor Narzullaev (Oybek Bozorov, 77), Bobir Davlatov, Islom Rashidxonov, Xurshid Muxtorov, Umar Eshmurodov.

Zaxira: Abduvohid Ne’matov, Husniddin Aliqulov, Jo‘rabek Mannonov, Alisher Yusupov, Sardor Abduraimov, Sherzod Nasrullaev.

“Qo‘qon-1912”: Boyan Knejevich, Jamshid Hasanov, Quvondiq Ro‘ziev, Oybek Rustamov, Jasur Hasanov (Timur Usmonov, 67), Suhrob Berdiev, Iqbol Malikjonov (Behruz Sa’dilloev, 59), Shahboz Erkinov (Timur Hakimov, 86), Aleksandr Merzlyakov, Marko Milich, Murod Xolmuhammedov.

Zaxira: Islom Abdullaev, Javohir Esonqulov, Avaz Mamatxo‘jaev, Milosh Nikolich.

Ogohlantirishlar: G‘olib G‘aybullaev 17, Jasur Hasanov 53, Oybek Rustamov 64.

7332 tomoshabin.

No‘’mon HASANOV: – “Nasaf” jamoasini g‘alaba bilan tabriklayman. Ular haqli tarzda muvaffaqiyatga erishishdi. Ochiq futbol guvohiga aylandik. O‘z maydonimizda o‘ynamayotganimiz uchun futbolchilarda qandaydir ruhiy tushkunlik kuzatilmoqda. Kelib, bizni qo‘llab-quvvatlab turgan muxlislarimizdan minnatdormiz. Shogirdlarimning oxirgi 20 daqiqalikdagi harakatlaridan qoniqdim, xolos. Kuchli jamoamiz bor edi. Tarkibdagi yo‘qotishlar o‘rnini etarli darajada to‘ldira olmadik. Keyingi turga yanada jiddiyroq tayyorgarlik ko‘ramiz.

Ro‘ziqul BERDIEV: - G‘alabaga munosib edik. Ko‘plab xavfli vaziyatlarni yaratdik. Yigitlar ko‘rsatgan o‘yin va natijadan mamnunman. Kiritilgan ikkita goldan tashqari yana ko‘plab imkoniyatlarga ega bo‘ldik. Ulardan samarali foydalanganimizda hisob bundan-da yirik bo‘lishi mumkin edi. Muhimi bizga g‘alaba kerak edi va bunga erishdik... Bugun Umidjon Ergashev o‘ynadi. U ruhiy tushkunlikka tushmasligi uchun bu zarur edi. Darvozabonimiz yomon harakat qilmadi. Tarkibimizda to‘rt nafar yosh posbon bor. Biz ularga ishonamiz va barchasiga imkon beramiz. To‘g‘ri, Humoyun Murtazoev qulay imkoniyatlardan foydalana olmagan holatlar ham bo‘ldi. Ammo u bugun ikkita gol urib, g‘alabamizni ta’minladi. Bobir Abdiholiqov jarohati bois o‘yin amaliyotisiz qoldi. Hujumchimiz 4 kundan buyon umumiy guruhda mashg‘ulotlarda ishtirok etmoqda. Kecha o‘rinbosarlar safida bir taym to‘p tepdi. Bugun ham unga imkon berdik. O‘ylaymanki, Bobir hali o‘z so‘zini aytadi.

 

QIZILQUM – SURXON 1:3

Uchrashuv boshlaridan “Surxon”ning shashti ancha balandligi ko‘rindi. Termizliklar Navoiyga g‘alaba qozonish uchun kelganliklarini ilk daqiqalardanoq ko‘rsatishdi. 18-daqiqada bosh hakam Maqsud Karimov raqib o‘yinchisi Abdul Aziz Yusupovni yiqitdi deb topdi va "Qizilqum" darvozasiga penalti belgiladi. 11 metrli jarima zarbasini Darko Stanoevich aniq amalga oshirib, hisobni ochdi. 38-daqiqada Shavkat Salomovning pasidan so‘ng Abdul Aziz Yusupov qarshisidagi futbolchini aldab, gol urdi. Taym so‘ngida Eldor Boymatov taxminan 20 metrlardan tepgan to‘p noaniq ketdi. Ikkinchi bo‘limda Shavkat Salomov jamoadoshi Abdul Aziz Yusupovga ajoyib tarzda to‘p oshirdi. U esa boshi bilan uzoq burchakni ishg‘ol qildi. Oradan ko‘p vaqt o‘tmay Alisher Sanoev chamasi 13 metrlardan mehmonlar darvozasining uzoq pastki burchagini aniq nishonga oldi.

Gollar: Darko Stanoevich penalti 19, Abdul Aziz Yusupov 38, 64, Alisher Sanoev 78.

“Qizilqum”: Artyom Makosin, Erkin Boydullaev, Murod Bobojonov, Salim Mustafoev, Eldor Boymatov, Muhsin Ubaydullaev (Fayzulla Qambarov, 63), Sherali Jo‘raev (Azizbek Usmonov, 75), Elguja Grigalashvili, Xurshidjon Olimov (Alisher Sanoev, 58), Maqsud Karimov, Ariagner Smit Medina.

Zaxira: Evgeniy Cheremisin, Akmal Rustamov, Humoyun Abdualimov, Mirjalol Qosimov, Sardor Jahonov, Suhrob Yarashov.

“Surxon”: Asilbek Amanov, Abduqahhor Hojiakbarov, Ayubxon No‘’monov, Rahmatullo Berdimurodov, Shavkat Salomov (Najmiddin Normurodov, 90+2), Abdul Aziz Yusupov (Ravshanbek Xursanov, 78), Abror Ismoilov, Vladimir Bubanya, Husniddin G‘ofurov, A’zam Aliev (Mirzakamol Kamolov, 71), Darko Stanoevich.

Zaxira: Sardor Qobuljonov, Azamat Ahmedov, Ubaydullo Xoliqulov, Abbosbek Maxstaliv, Suhrob Ne’matov, Sarvar Soliev.

Ogohlantirishlar: Maqsud Karimov 18, Elguja Grigalashvili 30, Salim Mustafoev 31, Sherali Jo‘raev 63, Ravshanbek Xursanov 79.

3254 tomoshabin.

Andrey MIKLYaEV: - Juda qiyin o‘yin bo‘ldi. Saviya jihatidan bir-biriga ancha yaqin jamoalar maydonda o‘zaro bahslashishdi. Ayni paytdagi o‘rnimizni inobatga olganda, 3 ochko qo‘lga kiritishimiz juda ham zarur edi. Uch bora raqib darvozasini ishg‘ol etdik. Lekin bitta gol o‘tkazib yubordik. Asosiysi – g‘alaba qozondik. Natijadan mamnunman.

Yuriy LUKIN (“Qizilqum” jamoasi yordamchi murabbiyi): - “Surxon” jamoasini qo‘lga kiritilgan haqqoniy g‘alaba bilan tabriklayman. Biz birinchi bo‘limni ancha bo‘sh o‘tkazdik. Dastlabki taymdayoq raqibga imkoniyatni boy berdik. Uchrashuv oxirida esa biroz omad ham etishmadi. Qulay imkoniyatlardan unumli foydalana olmadik.

 

BUXORO – DINAMO 0:0

Dastlabki daqiqalarda samarqandliklar ikki bor burchakdan to‘p tepishdi, ammo bundan samara chiqmadi. 13-daqiqada qarshi hujumda Ivan Nagaev qulay vaziyatdan foydalana olmadi. Keyin Doston Ibragimovning kuchli zarbasi biroz noaniq chiqdi.  

Jasur O‘rinov sherigi Mirkomil Loqaevning ajoyib uzatmasini golga aylantira olmadi. Ikkinchi taymda ham jamoalar navbati bilan hujumlar tashkil etishdi. Biroq urinishlar samarasiz yakunlanaverdi. Ayrim hollarda ustun va to‘sin gol bo‘lishiga to‘sqinlik qildi. Ba’zan esa posbonlar mahoratlarini namoyish etishdi. Natijada stadionga tashrif buyurgan muxlislar shu kuni gol ko‘rishmadi. “Buxoro” bu mavsum o‘z maydonida yana g‘alaba qozona olmadi.

"Buxoro": Xurshid Xo‘jaev, Ivan Fatich, Mirjalol Jumaev, Ivan Nagaev, Salamat Qutiboev (Akram Bahriddinov, 68), Asadbek Sobirjonov, Jamoliddin Ubaydullaev (Azamat Isroilov, 53), Behruz Shodmonov, Ergash Ismoilov, Jahongir Abdumo‘minov (Akobir To‘raev, 85), Doston Ibragimov.

"Dinamo": Botirali Ergashev, Mirkomil Loqaev, Hakimxon Alamxonov, Jasur Azimov, Qadamboy Nurmetov (Amirjon Safarov, 66), Bobur Qosimov, Siroj Hamroev (Dilmurod Karimov, 84), Sardor Eminov (Damir Temirov, 89), Jasurbek O‘rinov, Ixtiyor Toshpo‘latov, Shohruh Abdurahmonov.

Ogohlantirishlar: Ivan Fatich 24, Botirali Ergashev 30, Qadamboy Nurmetov 42, Mirkomil Loqaev 54, Ivan Nagaev 78.

7552 tomoshabin.

Davron FAYZIEV: - “Buxoro” ham, “Dinamo” ham faqat g‘alabaga intilishdi. Jangovar o‘yin guvohiga aylandik. Faqat bellashuvni bezash uchun gollar etishmadi, xolos. Buxoroga 3 ochko uchun kelgandik. Yigitlar maydonda borlarini berishdi. Asosiysi – ochko qo‘lga kiritildi. Har bir ochko qadrli. Yomon harakat qilmadik, himoyada yotib olganimiz yo‘q. Hujumga o‘tishga intildik. Samarqanddan Buxoroga kelgan yuzlab muxlislarimizga rahmat, ularning tinmay qo‘llab-quvvatlashi tufayli xuddi o‘z uyimizda to‘p tepgandek bo‘ldik.

Mirislom HASANOV (“Buxoro” klubi bosh murabbiy vazifasini bajaruvchisi): - Uchrashuv juda qiyin o‘tdi. Sababi ikki jamoa ham muvaffaqiyat qozonishni ko‘zlagandi. Fikrimcha, bellashuv davomida bizda ko‘proq golli vaziyatlar yuzaga kelgandi, ammo ulardan foydalanolmadik. Fikrimcha, ikki ochko yo‘qotdik. Yigitlarga rahmat. Darvoza ishg‘ol qilinmagan bo‘lsa-da, muxlislarga yoqadigan o‘yin ko‘rsatishdi. Baxtiyor Ashurmatovdan keyin jamoani qabul qilib olish qiyin kechmadi. Yigitlar mashg‘ulotlarda bor kuch va imkoniyatlarini ishga solib, mehnat qilishdi. Jamoa bir oilaga aylanib, faqat g‘alaba uchun intilayapmiz.

 

NAVBAҐOR - METALLURG 0:0

“Navbahor” Namanganda “Metallurg” klubini qabul qildi. Uchrashuvning birinchi bo‘limida har ikki jamoa darvozaboni va himoyachilari ancha faol harakat qilib, raqib hujumlarini bartaraf etishda jonbozlik ko‘rsatishdi. Mezbonlardan Aleksandr Kasyan hamda Azim Ahmedov, mehmonlardan esa Suhrob Nurullaev va Islombek Isoqjonov imkoniyatlarini ko‘kka sovurishdi. Ikkinchi taymni Andrey Kanchelskis shogirdlari hujumkor ruhda o‘tkazishdi. Biroq havfli vaziyatlardan samara chiqarishmadi. Jumladan, rossiyalik hujumchi Aleksandr Kasyan 2 marta gol urishi mumkin edi. Uning zarbasidan so‘ng to‘p ustunga tegib, maydonni tark etdi. Bundan tashqari, Igor Golban va Oston O‘runovning zarbalari noaniq chiqdi. 61-daqiqada Bahrom Abdurahimov jarima maydoni ichida yiqilib tushdi, Uchrashuv hakami Ravshan Ermatov o‘yinni davom ettirish kerakligini ko‘rsatdi. So‘nggi daqiqada “Metallurg” futbolchisi Islom Isoqjonovning o‘tkir burchak ostidan tepgan to‘pi to‘sin tepasidan o‘tib ketdi.

"Navbahor": O‘tkir Yusupov, Oston O‘runov, Azim Ahmedov, Ivan Solovyov (Bahodir Nasimov, 81), Aleksandr Kasyan, Obid Jo‘rboev, Mirzohid G‘ofurov, Igor Golban, Abdujamol Isroilov, Jahongir Mehmonov, Abbos G‘ulomov (Aziz Ibragimov, 68).

Zaxira: Dilshod Hamroev, Mirzohid Mamatxonov, Slavko Lukich, Shahzod Shaymanov, Obid Jo‘raboev, Hojiakbar Yunusov, G‘iyosjon Komilov, Zafar To‘raev.

"Metallurg": Aleksandr Lobanov, Abbos Otaxonov, Ibrohim Yo‘ldoshev (Shavkat Mullajonov, 80), Suhrob Nurulloev, Islombek Isoqjonov (Doniyor Usmonov, 90), Bahrom Abdurahimov, Kamoliddin Tojiev, Stanislav Andreev, Akbar Ismatullaev, Muhammad Isaev (Sergey Tumasyan, 70), Bahodir Pardaev.

Zaxira: Zafar Safoev, Mahmud Qudratullaev, Xudoyshukur Sattorov, Shahzodbek G‘ofurbekov, Odilbek Abdumajitov.

Ogohlantirishlar: Bahrom Abdurahimov 30, Muhammad Isaev 41, Mirzohid G‘ofurov 70, Ibrohim Yo‘ldoshev 74, Bahodir Nasimov 85, Akbar Ismatullaev 90+2, Aleksandr Lobanov 90+4.

9132 tomoshabin.

Andrey ShIPILOV: - Yodingizda bo‘lsa, o‘tgan mavsumda ham jamoamiz Namanganda 0:0 hisobida durang qayd etgandi. “Navbahor” jamoasiga ajoyib mehmonnavozlik uchun minnatdorchilik bildiraman. Ular bizga yaxshi sharoitlarni yaratib berishdi. Hafta davomida shogirdlarimni juda ko‘p ishqiboz tashrif buyuradigan stadionda to‘p tepishga tayyorlashga intilgandim. Birinchi taymda aytarli xavfli vaziyatlar yuzaga kelgani yo‘q. To‘pni nazorat qilishga urindik. Tanaffusdan so‘ng esa “Navbahor” uzun paslar va to‘p uzatmalar orqali o‘ynashga urindi. Bahs oxirida bizda 2 ta yaxshi vaziyata yuzaga keldi. Lekin ulardan naf chiqmadi. Yakunda qayd etilgan natija adolatli bo‘ldi.

Andrey KANChELЬSKIS: - Uchrashuv biroz asabiy ruhda kechdi. Agar birinchi bo‘lib raqib darvozasini ishg‘ol etganimizda, g‘alaba qozonardik. Futbolni raqqosalar o‘ynamaydi. Har bir vaziyatda yiqilib, maydonda yotib olinishini aslo oqlamayman. Bu tempni tushiradi va o‘yin jozibasini butunlay yo‘qotadi. Bugun tez yordam vakillari ko‘maklashadigan vaziyat umuman bo‘lgani yo‘q. Lekin ko‘plab holatlarda futbolchilar maydonga cho‘zilib yotib olishdi. G‘alaba qozonmadik – o‘zimiz aybdormiz. 2 ochko yo‘qotdik. Lekin mehmonlar kabi o‘yin namoyish etmaganliklari uchun shogirdlarimdan mamnunman. Shu boisdan ham ularni hurmat qilaman.

 

AGMK – SO‘G‘DIYoNA 0:2

Uchrashuv boshlanishi arafasida O‘zbekiston milliy chempionatlaridagi o‘yinlari soni 400 tadan oshgan 15-futbolchiga aylangan AGMK klubi a’zosi Jasur Hasanovga maxsus futbolka topshirildi. Mirjalol Qosimovning Olmaliqda “ketmoni uchmayapti”. AGMK ushbu mutaxassis bilan umuman kutilmagan natijalar qayd etishdan charchamayapti. Aftidan jamoa va murabbiyning qarashlari to‘g‘ri kelmayotgandek. Ochig‘ini aytganda, hech kim klub nima uchun bunday og‘ir ahvolga tushib qolganini bilmayapti. Tarkibni Qosimovning o‘zi tanlagan va ishonch bildirgan o‘yinchilarini olib kelgan. Biroq mutaxassisning gaplariga ko‘ra jamoada etakchi yo‘q ekan. Jizzaxliklar bellashuvda tezkor gol urishdi. Shahboz Jo‘rabekov raqib jarima maydoni ichidan chap oyog‘i bilan darvozani ishg‘ol qildi. 14-daqiqada mezbonlarda vaziyatni o‘nglashlari uchun qulay imkoniyat hosil bo‘ldi. San’at Shixov raqib jarima maydoni ichida yiqitilgani uchun penalti belgilandi. Dilshod Jo‘raevning urinishini Milan Mitrovich bartaraf etdi va hisob o‘zgarmay qoldi. Keyinroq San’at Shixov kuchli zarb bilan tepgan to‘p to‘singa tegib maydon tashqarisiga chiqib ketdi.

Uchrashuv oxirida "So‘g‘diyona" ikkinchi golni urdi. O‘ng qanotdan Siroj Meliev uzatgan to‘pni Kaxi Maxaradze darvozaga yo‘lladi.

Gollar: Shahboz Jo‘rabekov 4, Kaxi Maxaradze 88.

Gol urilmagan penalti: Dilshod Jo‘raev 14 (AGMK).

AGMK: Nizomiddin Ziyovutdinov, Dilshod Jo‘raev, San’at Shixov (Jasurbek Hakimov, 64), Zafar Polvonov, Jasur Hasanov, Mirg‘iyos Sulaymonov (Murodjon Toshmatov, 71), Akmal Shorahmedov, Saydullo Rahmatov, Sardor Rahmonov, Boburbek Yuldashev, Kamron Saydazimov (Shahzodbek Nurmatov, 84).

Zaxira: Suhrob Sultonov, Mirjamol Qosimov, Shohnazar Norbekov, G‘ulom Haydar G‘ulomov, Mirolyub Kostich, Sherzod Fayziev.

"So‘g‘diyona": Milan Mitrovich, Iskandar Shoyqulov, Elyor Orifov, Kaxi Maxaradze, Sanjar Rashidov (Jamshid Boltaboev, 70), Oybek Nurmatov (Siroj Meliev, 50), Shohruz Norxonov, Sherzod Shakirov, Daniel Nasriddinov (Sahob Rashidov, 79), Nikola Milinkovich, Shaxboz Jo‘rabekov.

Zaxira: Shirinboy Abdullaev, Nuriddin Hasanov, Izzatilla Abdullaev, Murod Rajabov, Davronbek Umirov, Dian Talxatov.

Ogohlantirishlar: Oybek Nurmatov 41, Jamshid Boltaboev 84, Nikola Milinkovich 87, Jasurbek Hakimov 88.

2596 tomoshabin.

Ulug‘bek BAQOEV: - Musobaqa jadvalida yaqin edik va bugungi bahs shu sababdan ham ancha qiyin o‘tishini bilardik. Uchrashuv o‘ylaganimdek kechdi. Tezkor gol kiritganimiz foyda berdi. Yigitlar butun bahs davomida tartibli o‘yin ko‘rsatishga intilishdi va buni uddalashdi. Yakunda raqib darvozasiga ikkinchi golni ham kiritdik.

Mirjalol QOSIMOV: - Kecha nishonlangan metallurglar kuni munosabati bilan jamoamiz ishqibozlarini xushnud etish maqsadida edik. Afsuski, natija ijobiy bo‘lmadi. Bugun ikki xil taymlar guvohiga aylandik. Birinchi bo‘limda harakatlarimiz o‘xshamadi. Penaltidan ham unumli foydalanmadik. Tanaffusdan keyin esa o‘yinning borishini o‘zgartira olmadik. Jamoamizga bugun xarakter etishmadi.