Суперлига. "Металлург" сўнгги марта қачон ғалаба қозонганди?

Бугун Суперлиганинг 8-турида "Металлург" "Андижон" меҳмони бўлади. Ушбу мавсум ҳали ғалаба қозона олмаган Стешевич шогирдлари 3 очко билан 13-поғонани банд қилиб турибди. Жамоа 9 марта ўз дарвозасидан тўп олиб чиқди. Бу борада "Пахтакор", "Локомотив" (10) ва "Сурхон" (12) клублари пешқадам бўлиб турибди. 

"Металлург" Суперлига доирасида кетма-кет 6 та баҳсдан бери ғалаба нималигини билмай келмоқда. Клуб 3 бор дуранг ўйнаган бўлса, 3 марта мағлубиятга учради. Бекободликлар сўнгги бор ўтган мавсумнинг охирги турида "Олимпик" устидан зафар қучганди. 

Ўшанда Ғофуров дастлаб дубль қилиб, фарқни иккитага ошириб қўйган бўлса, 87-дақиқада Жалолиддинов жавоб қайтарган. Мазкур ғалаба орқали "Металлург" мавсумни 10-ўринни эгаллаган ҳолда якунлаганди. Шундан бери клуб ҳали бери бир ўйинда 3 очкони қўлга киритишни эплай олгани йўқ.