Superliga. "Nasaf" o‘z uyida "Qizilqum" mehmoni bo‘ladi

"Nasaf" Superliganing 16-turida Navoiyning “Qizilqum” jamoasi “mehmoni” bo‘ladi. Uchrashuv 16 avgust kuni 20:00 da start oladi. Navoiyliklarning stadioni ta’mirlanayotganligi sababli mazkur uchrashuv Qarshi “Markaziy” o‘yingohida bo‘lib o‘tadi.

Jamoalar O‘zbekiston chempionatida shu vaqtga qadar 51 bor to‘qnash kelishgan. Bo‘lib o‘tgan 31 uchrashuvda “Nasaf”, 7 o‘yinda esa navoiyliklar g‘alaba qozonishgan. 13 uchrashuvda esa durang natija qayd etilgan.

To‘plar nisbati 96:50. Ustunlik “Nasaf”da.

Jamoalar so‘nggi bor 2024-yil 16 mart kuni Qarshida to‘qnash kelishgan. Bellashuvda “ajdarlar” 2:1 hisobida g‘alaba qozonishgan. Uchrashuvdagi gollarga Alibek Davronov, Murodbek Rahmatov va Akaki Shulayalar mualliflik qilishgan.

O‘zaro uchrashuvlarda qayd etilgan eng yuqori hisoblar quyidagicha: “Nasaf” – “Qizilqum” 7:1, “Qizilqum” — “Nasaf” 3:1.