Суперлига. "Навбаҳор" - "Нефтчи" баҳси чипталари сотувда!

Суперлиганинг 26-туридан ўрин олган марказий учрашув - "Навбаҳор" - "Нефтчи" ўйини учун чипталар сотувга чиқарилди.

"Фарғоналик футбол ишқибозларининг хоҳиш истакларини инобатга олиб қулайлик яратиш мақсадида "Нефтчи" ПФК маъмурияти шуни маълум қилидики, Суперлиганинг Наманганда бўлиб ўтадиган "Навбаҳор" - "Нефтчи" учрашувига чипталар сотуви ташкил этилди.

Чипталарни Марғилон  шаҳридаги  "АНСОР"  савдо мажмуаси биносида ва Марғилон 1-тиббиёт коллежи чорраҳасидаги сайёр кассада 30.000 сўмдан  сотиб олишингиз мумкин", - деб ёзди фарғоналиклар клуби матбуот хизмати хабарида.