Суперлига. "Нефтчи" бугун қора анъанасига нуқта қўя оладими?

Хабарингиз бор, бугун Суперлиганинг 8-туридан ўрин олган "Навбаҳор" - "Нефтчи" баҳси бўлиб ўтади. Дербига томонлар яхши ҳолатда етиб келишмоқда. Иккала жамоа ҳам турнир жадвалининг юқори поғоналарини эгаллашган. 

"Нефтчи" Суперлига доирасида "лочинлар"ни кетма-кет 5 та баҳсдан бери мағлуб қила олмаяпти. Сўнгги бор фарғоналиклар 2018 йилда "Навбаҳор"ни 2:1 ҳисоби билан таслим қилганди. Ўша баҳсда Ҳакимов ҳисобни очган бўлса, Никач имкониятларни тенглаштирган. 69-дақиқада Абдулҳаков ғалаба голини урганди. 

Шундан бери бу тўқнашувда наманганликлар 2 марта ғалаба қозониб, 3 бора томонлар дурангга имзо чеккан. Шу билан бирга, "Нефтчи" "Марказий" стадионидан охирги марта 2011 йилда 3 очко билан қайтганди.