Superliga. "Paxtakor" - "Surxon". O‘zaro o‘yinlarda ustunlik kimda?

Bugun Superliga 21-turida "Paxtakor" "Surxon" mehmoni bo‘ladi. O‘yin Olmaliqdagi OKMK stadionida bo‘lib o‘tadi.

Hozirga qadar jamoalar chempionatlar doirasida 31 bahsda to‘qnash kelishgan. Ularning 24tasida "Paxtakor", 5tasida "Surxon" zafar quchgan. Ikki marta durang natija qayd etilgan. Raqib darvozasini 103 marta ishg‘ol qilgan "sherlar" o‘z darvozasidan 28 to‘p o‘tkazib yuborishgan.

Poytaxt klubi mehmondagi o‘yinlarda 10 g‘alaba, 4 mag‘lubiyat va bir durang o‘ynagan. To‘plar farqi — 35:17. "Paxtakor" 15 marta yirik hisobdagi g‘alabani qo‘lga kiritilgan. Eng yirik natija - 8:0 bo‘lib, 2004 yilgi mavsumda kuzatilgan.

Jamoalar safida kartochkalar bilan bog‘liq diskvalifikatsiya sababli o‘yinni o‘tkazib yuboradigan futbolchilar yo‘q.

"Surxon" va "Paxtakor" jamoalari o‘rtasidagi uchrashuv 9 oktyabr, yakshanba kuni OKMK stadionida soat 17:00da start oladi.