Суперлига. "Қўқон-1912" - "Нефтчи": Ўзаро ўйинлар тарихидан

Суперлигаси 2-даврасининг дастлабки туридан ўрин олган “Фарғона дербиси”да “Қўқон-1912” ва “Нефтчи” клублари Яйпанда тўқнаш келади.

Мазкур жамоаларнинг ўзаро ўйинлардаги статистик маълумотларни эътиборингизга ҳавола этамиз.

Ушбу жамоалар Ўзбекистон чемпионатларида шу кунга қадар 29 бора тўқнаш келган. “Нефтчи” 19 та ўйинда ғолиб бўлган, 4 марта дуранг қайд этилган.

“Қўқон-1912” рақибини олти марта мағлуб этган. Тўплар нисбати “Нефтчи” томонида – 70:37. Ўзаро ўйинларда “йўлбарслар” 61 очкога эга бўлган бўлса, “шунқорлар” 22 очкони қўлга киритган.

Cуперлиганинг бу мавсумдаги 1 туридан ўрин олган “Нефтчи” - “Қўқон-1912” учрашуви ҳам Яйпандаги “Ўзбекистон” стадионида бўлиб ўтган эди. Ўша баҳснинг 89-дақиқасида Шаҳзодбек Убайдуллаев пенальтидан гол киритиб, “Нефтчи” жамоасининг ғалабасини таъминлаган эди.

Манба: "Қўқон-1912" ПФК маатбуот хизмати.