Суперлига янги мавсумига қуръа ташланди
"Бунёдкор" стадионида Суперлиганинг янги мавсумига қуръа ташлаш маросими бўлиб ўтмоқда.
Маълумот учун, жорий йилги мавсумда ҳам Суперлигада 14 жамоа иштирок этади. Қуйи лигага тушиб кетган “Динамо”нинг ўрнига A Про-лига ғолиби – “Машъал” иштирок этади. Суперлига 1-тури 27 февралдан старт олади.
Маросимга футбол жамоатчилиги ташриф буюрган. Маросимни таниқли шарҳловчи Даврон Файзиев олиб бормоқда.
* Маросим бошида, ўтган мавсум якунларига бағишланган видеоролик намойиш этилди.
* Энди эса мураббийлар Улуғбек Бақоев ("Сўғдиёна"), Шота Арвеладзе ("Пахтакор") ва бир қатор футболчилар ўтган йил ва бошланаётган мавсум борасида ўз фикрларини билдириб ўтди.
* Янги мавсумда тасодифий жамоа бўлмайди. Кимлар қатнашишини эса қуйидаги расмда билиб олишингиз мумкин:
Даврон Файзиев қуръа ташлаш маросимини олиб бориш учун ПФЛ бош директори Диёр Имомхўжаевни таклиф қилди ва у қоидалар, керакли маълумотларни айтдим ўтмоқда.
Суперлигада 14-ўринни олган жамоа Про лигага тушиб кетади. Про лигада 2-ўринни эгаллаган клуб ўтиш ўйинида Суперлигада 13-поғонани банд этган жамоа билан битта ўйиндан иборат плей-офф учрашувида куч синашади.
Даврага Азизбек Ҳайдаров ва Сервер Жепаров таклиф этилди. Улар жамоаларни аниқлаб беришади.
Қуръа ташлаш маросими бошланди!
Суперлига-2020. 1-тур
"Қизилқум" - "Насаф"
"Сурхон" - "Бунёдкор"
"Машъал" - "Сўғдиёна"
АГМК - "Металлург"
"Қўқон-1912" - "Бухоро"
"Пахтакор" - "Навбаҳор"
"Локомотив" - "Андижон"
Шунингдек, маросимда Ўзбекистон кубоги финали бўлиб ўтадиган стадион номи ҳам қуръа жараёни орқали аниқланди. Қаршидаги "Марказий", Жиззахдаги "Сўғдиёна" ва Намангандаги "Марказий" ўйингоҳлар номзод сифадида ажратиб олинганди.
Қуръага кўра Намангандаги "Марказий" ўйингоҳ кубок финалини қабул қиладиган бўлди.
Шу билан қуръа ташлаш маросими якунланди.
Фикрлар