Superliganing eng tajribali futbolchilaridan biri erkin agentga aylandi

O‘zbekiston Superligasi klublari jamoalari yozgi transfer oynasidan unumli foydalangan holda tarkibda o‘zgarishlar qilmoqda.

Xususan, "Surxon" klubi Artyom Filiposyan hamda Qadamboy Nurmetov bilan shartnoma bekor qilinganini ma’lum qildi. Ayni paytda har ikki futbolchi erkin agent hisoblanadi.

Ma’lumot uchun, 35 yoshli Filiposyan joriy mavsum termizliklar libosida 2 o‘yinda maydonga tushdi, 27 yoshli Nurmetov esa 3 bahsda ishtirok etgan.