Супертўпурарга катта нарх қўйилди

“Тоттенхэм” ёзда ўз тарихидаги энг зўр тўпурар Ҳарри Кейнни трансфер қилишга тайёргарлик кўрмоқда.

Ҳужумчининг амалдаги шартномаси бир йилдан сўнг якунланади ва яқинлашиб келаётган ёзги трансферлар даври уни қўлга киритиш учун энг қулай фурсат.

The Times нашрининг ёзишича, Ҳарри Кейнни янги шартномага кўндира олмаётган “Тоттенхэм” раҳбарияти уни қўйиб юборишга тайёр. Мутасаддилар ҳужумчи учун 100 миллион фунтдан бошланган таклифларни кўриб чиқади.

Бундан ташқари, лондонликлар тўлов бирданига амалга оширилишини талаб қилмоқда. Одатда, қимматбаҳо трансферларда тўловни бир неча қисмга бўлиб тўлаб бориш усули қўлланилади.

Асосий даъвогар сифатида “Манчестер Юнайтед” тилга олинмоқда. Лекин “шпорлар” тўпурарни бу клубга беришни истамаяпти.