"Сурхон" клуби футболчилари 14 июлда тест топширганми ёки бугун?

Ҳозиргина "Сурхон" клуби футболчилари коронавирус учун тест топширгани борасида хабар бергандик. Вазият қандай эканлигини билиш мақсадида клуб матбуот котиби Элёр Узоқовга боғландик.

У бугун барча коронавирусга тест топширганини тасдиқлади. Ҳамма жавобини кутаётганини маълум қилди.

"Сурхон" клуби футболчиси коронавирус юқтирганликда гумонланмоқда. Жамоанинг "Навбаҳор"га қарши ўйини қолдирилиши мумкин

Ўз навбатида ПФЛ расмий сайтида ҳам маълумот чоп этилди. Унда футболчилар 14 июль куни тест топширгани айтилган. Сайтларда клуб футболчилари бугун тест топширганлиги борасида хабарлар чиққани боис баъзи мухлисларда "Қайси маълумот тўғри?", деган савол пайдо бўлди. Шуни айтиш мумкинки, “Сурхон” клуби футболчилари Нуриддин Ҳасанов ҳамда Хусниддин Ғофуровда 13 июль куни ҳолсизланиш аломатлари сезилган. Натижада клуб шифокори уларни жамоадан ажратиб, дарҳол изоляция қилган. Эртасига — 14 июль куни футболчилар (яъни яқоридаги 2 таси, қолганлар бугун тест топширган) COVID-19 учун тест топширган. 17 июль санасида мазкур футболчиларнинг вирус юқтириб олгани тасдиқланган. Шунинг учун биз мухлисларга тўлиқроқ ва батафсил маълумот беришга қарор қилдик. Тушунмовчилик бўлмаслиги учун.

Хабарингиз бор, “Сурхон” клуби 12 июль куни Coca Cola Суперлиганинг 9-тури доирасида Андижонда меҳмон бўлганди. Ҳусниддин Ғофуров учрашувнинг 76-дақиқасида захирадан майдонга туширилган.

Эндиликда “Сурхон” ва “Андижон” клуби футболчилари COVID-19 учун тест топширишларига тўғри келади. Мазкур жамоаларнинг навбатдаги ўйинлари режаси шундан келиб чиқиб маълум қилинади.