"Сурхон" ниҳоят уддалади
Бугун Ўзбекистон Суперлигаси 19-тури доирасидаги "Сурхон" - "Локомотив" учрашуви бўлиб ўтди. Қизиқарли ва кескин курашлар остида кечган баҳсда термизликлар 2:1 ҳисобида ғалаба қозонди.
Маълумотларга кўра, "Сурхон" клуби ўз тарихидаги илк бор "Локомотив"ни мағлуб этган. Бунга қадар ўтказилган 9 ўйиннинг 5 тасида "темирйўлчилар" ғалаба қозонган, 4 та баҳсда эса дуранг қайд этилган эди.
Шунингдек, термизликларнинг Суперлигада 7 ўйиндан буён давом этиб келаётган ғалабасиз серияси ҳам бугун поёнига етди. Бундан олдинги ғалаба 18 июнь санасида "Динамо" устидан қозонилган эди.
"Локо" устидан қозонилган ғалабадан сўнг "Сурхон" ҳисобидаги очколар сони 16 тага етди ва улар айни пайт турнир жадвалида 13-ўринни эгаллаб турибди.
Фикрлар